ನವದೆಹಲಿ: ಜಿ 20 ಶೃಂಗಸಭೆಯಲ್ಲಿ ವಿಶ್ವದ ದೊಡ್ಡಣ್ಣಅಮೆರಿಕಾ ಅಧ್ಯಕ್ಷ ಜೋ ಬಿಡನ್ ಪಾಲ್ಗೊಳ್ಳಲು ಮೊದಲ ಬಾರಿಗೆ ಭಾರತಕ್ಕೆ ಆಗಮಿಸುತ್ತಿರುವುದರಿಂದ ಯಾವುದೇ ರೀತಿಯ ವೈಫಲ್ಯ ಉಂಟಾಗದಂತೆ ಮುನ್ನೆಚ್ಚರಿಕಾ ಕ್ರಮವಾಗಿ ಸರ್ಪಗಾವಲು ಹಾಕಲಾಗಿದೆ. ಹಿಂದೆಂದೂ ಕಾಣದ ಭದ್ರತೆಯನ್ನು ಒದಗಿಸಲಾಗಿದೆ.
ರಾಷ್ಟ್ರ ರಾಜಧಾನಿಗೆ ಅವರ ಭೇಟಿಯ ಸಮಯದಲ್ಲಿ, ಬಿಡೆನ್ ಅವರು ಯುಎಸ್ ಅಧ್ಯಕ್ಷರ ಅಧಿಕೃತ ಕಾರು ಬೀಸ್ಟ್‍ನಲ್ಲಿ ಪ್ರಯಾಣಿಸುತ್ತಾರೆ. ಇದನ್ನು ಯುಎಸ್ ನಿಂದ ಭಾರತಕ್ಕೆ ಬೋಯಿಂಗ್ ಸಿ-17 ಗ್ಲೋಬ್ ಮಾಸ್ಟರ್ ಐಐಐ ಎಂಬ ದೊಡ್ಡ ಮಿಲಿಟರಿ ಸಾರಿಗೆ ವಿಮಾನದಲ್ಲಿ ತರಲಾಗುತ್ತಿದೆ.
ವಿಶ್ವದ ಅತ್ಯಂತ ಬಲಿಷ್ಠ ಮತ್ತು ಸುರಕ್ಷಿತ ಎಂದು ಕರೆಯಲ್ಪಡುವ ಬುಲೆಟ್ ಪ್ರೂಫ್ ಬೀಸ್ಟ್ ಕಾರು ಎಲ್ಲಾ ಸಮಯದಲ್ಲೂ ಯುನೈಟೆಡ್ ಸ್ಟೇಟ್ಸ್ ಸೀಕ್ರೆಟ್ ಸರ್ವೀಸ್‍ನ ಕಾವಲುಗಾರರ ಅಡಿಯಲ್ಲಿರುತ್ತದೆ. ದೆಹಲಿಯ ಮೇಲೆ ಕಣ್ಣಿಡಲು ವಾಯುಸೇನೆ ಮತ್ತು ಭಾರತೀಯ ಸೇನೆಯ ಹೆಲಿಕಾಪ್ಟರ್‍ಗಳು ನಿರಂತರವಾಗಿ ಆಕಾಶದಲ್ಲಿ ಸುತ್ತುತ್ತವೆ
ಜೋ ಬಿಡೆನ್ ಅವರ ದೆಹಲಿ ಭೇಟಿಗೆ ಮೂರು ಹಂತದ ಭದ್ರತೆಯನ್ನು ಏರ್ಪಡಿಸಲಾಗಿದೆ. ಮೊದಲನೆಯದ್ದು ಹೊರಗೆ ಅರೆಸೇನಾ ಪಡೆಯ ಸಿಬ್ಬಂದಿಯನ್ನು ನಿಯೋಜಿಸಲಾಗಿದ್ದರೆ, ಎರಡು ಭಾರತದ ವಿಶೇಷ ರಕ್ಷಣಾ ಗುಂಪಿನ ಕಮಾಂಡೋಗಳನ್ನು ಮತ್ತು ಮೂರು ಒಳಗೆ ರಹಸ್ಯ ಸೇವಾ ಏಜೆಂಟ್‍ಗಳ ಭದ್ರತೆಯನ್ನು ಹೊಂದಿರುತ್ತಾರೆ.
ಬಿಡೆನ್ ಮತ್ತು ಇತರ ಯುಎಸ್ ಪ್ರತಿನಿಧಿಗಳು ಐಟಿಸಿ ಮೌರ್ಯ ಶೆರಾಟನ್ ಹೋಟೆಲ್ನಲ್ಲಿ ತಂಗಲಿದ್ದಾರೆ. ಸಿಬ್ಬಂದಿ ಹಿನ್ನೆಲೆ ತಪಾಸಣೆಗೆ ಒಳಗಾಗುತ್ತಾರೆ ಮತ್ತು ಜೋ ಬಿಡೆನ್ ತಂಗುವ 14 ನೇ ಮಹಡಿಗೆ ಭೇಟಿ ನೀಡುವವರಿಗೆ ವಿಶೇಷ ಪ್ರವೇಶ ಕಾರ್ಡ್‍ಗಳನ್ನು ನೀಡಲಾಗುತ್ತದೆ. ಮಹಡಿ ತಲುಪಲು ವಿಶೇಷ ಲಿಫ್ಟ್ ಅಳವಡಿಸಲಾಗಿದೆ. ಈ ಹೋಟೆಲ್‍ನ ಸುಮಾರು 400 ಕೊಠಡಿಗಳನ್ನು ಕಾಯ್ದಿರಿಸಲಾಗಿದೆ.
ಹಲವೆಡೆ ಆ್ಯಂಟಿ ಡ್ರೋನ್ ವ್ಯವಸ್ಥೆ ಅಳವಡಿಸಲಾಗುವುದು. ದೆಹಲಿಯ ಬಹುಮಹಡಿ ಕಟ್ಟಡಗಳ ಮೇಲೆ ಎನ್‍ಎಸ್‍ಜಿ ಮತ್ತು ಸೇನಾ ಸ್ಟ್ರೈಪರ್‍ಗಳನ್ನು ನಿಯೋಜಿಸಲಾಗುವುದು. ದೆಹಲಿ ಪೊಲೀಸರು ವಿವಿಧ ದೇಶಗಳ ತಂಡಗಳೊಂದಿಗೆ ಸಮನ್ವಯ ಸಾಸುತ್ತಿದ್ದಾರೆ ಮತ್ತು ಅವರ ಭದ್ರತಾ ಅಗತ್ಯತೆಗಳು ಮತ್ತು ಕಾಳಜಿಗಳನ್ನು ತೆಗೆದುಕೊಳ್ಳಲಾಗಿದೆ. ಭಾರತದಲ್ಲಿ ಜೋ ಬಿಡೆನ್ ಕೋವಿಡ್-19 ಪರೀಕ್ಷೆಯಲ್ಲಿ ನೆಗೆಟಿವ್ ಬಂದ ನಂತರ, ಜೋ ಬಿಡೆನ್ ನಾಳೆ ಭಾರತಕ್ಕೆ ಭೇಟಿ ನೀಡಲು ಸಿದ್ಧರಾಗಿದ್ದಾರೆ.
