ನಿಜಕ್ಕೂ ಇದು ಕಾಕತಾಳೀಯ! ಬಾಲಿವುಡ್ನಲ್ಲಿ ಹೆಸರು ಮಾಡಿರುವ ನಟಿ ಜಾಕ್ಲೀನ್ ಫರ್ನಾಂಡೀಸ್ ಮೂಲತಃ ಶ್ರೀಲಂಕಾದವರು. ಈಗ ಇದೇ ನಟ ಅಕ್ಷಯ್ ಕುಮಾರ್ ಅವರ ‘ರಾಮ್ ಸೇತು’ ಚಿತ್ರಕ್ಕೆ ನಾಯಕಿಯಾಗಿದ್ದಾರೆ.
ರಾಮ್ಸೇತು’ ಕಾಲ್ಪನಿಕವೋ ಅಥವಾ ನಿಜವೋ ಎಂಬ ವಿಚಾರವನ್ನೇ ಪ್ರಧಾನವಾಗಿಟ್ಟುಕೊಂಡು ನಿರ್ದೇಶಕ ಅಭಿಷೇಕ್ ಶರ್ಮಾ ಸಿನಿಮಾ ಮಾಡುತ್ತಿದ್ದಾರೆ. ಭಾರತದ ಜತೆಗೆ ಶ್ರೀಲಂಕಾಕ್ಕೂ ರಾಮ್ ಸೇತುವಿನ ನಂಟಿರುವ ಹಿನ್ನೆಲೆಯಲ್ಲಿ, ಆ ದೇಶದ ಸುಂದರಿಯನ್ನೇ ನಿರ್ದೇಶಕರು ಆಯ್ದುಕೊಂಡಿದ್ದಾರೆ.
ಈಗಾಗಲೇ ಅಕ್ಷಯ್ ಕುಮಾರ್ ಜತೆಗೆ ನಾಲ್ಕು ಸಿನಿಮಾಗಳಲ್ಲಿ ಜಾಕ್ಲೀನ್ ನಟಿಸಿದ್ದಾರೆ.
ಬ್ರದರ್ಸ್ ಚಿತ್ರದಿಂದ ಆರಂಭವಾಗಿ ಹೌಸ್ಫುಲ್ 2ಹೌಸ್ಫುಲ್ 3 ಮತ್ತು ಬಚ್ಚನ್ ಪಾಂಡೆ ಚಿತ್ರಗಳಲ್ಲಿ ಅಕ್ಷಯ್- ಜಾಕ್ಲೀನ್ ಕಾಣಿಸಿಕೊಂಡಿದ್ದಾರೆ. ಇದೀಗ ‘ರಾªಮ್ ಸೇತು’ ಚಿತ್ರದ ಮೂಲಕ ಐದನೇ ಬಾರಿ ಒಂದಾಗುತ್ತಿದ್ದಾರೆ. ಸದ್ಯ ಈ ವಿಚಾರ ಅಧಿಕೃತವಾಗಿದ್ದು, ಜಾಕ್ಲೀನ್ ಜತೆಗೆ ಮತ್ತೋರ್ವ ನಟಿ ನುಸ್ರತ್ ಬರೂಚಾ ಸಹ ಎರಡನೇ ನಾಯಕಿಯಾಗಿದ್ದಾರೆ.
ಈ ಸಿನಿಮಾಕ್ಕೆ ಅರುಣಾ ಬಾಟಿಯಾ, ವಿಕ್ರಂ ಮಲ್ಹೋತ್ರಾ ಬಂಡವಾಳ ಹೂಡುತ್ತಿದ್ದು, ಸ್ವತಃ ಕೇಪ್ ಆಫ್ ಗುಡ್ ಫಿಲಂಸ್ ಹೋಮ್ ಬ್ಯಾನರ್ನಲ್ಲಿ ಅಕ್ಷಯ್ ಕುಮಾರ್ ಸಹ ಚಿತ್ರದ ನಿರ್ವಣದಲ್ಲಿ ಪಾಲುದಾರರಾಗಿದ್ದಾರೆ. ಜೂನ್ ಅಥವಾ ಜುಲೈನಲ್ಲಿ ಸಿನಿಮಾ ಶೂಟಿಂಗ್ ಶುರುವಾಗಲಿದೆಯಂತೆ.
ಈ ಸಿನಿಮಾ ಹೊರತುಪಡಿಸಿದರೆ, ಪೃಥ್ವಿರಾಜ್ ಚೌಹಾಣ್ ಬಚ್ಚನ್ ಪಾಂಡೆ, ರಕ್ಷಾ ಬಂಧನ ಸೇರಿ ಇನ್ನೂ ಹಲವು ಸಿನಿಮಾ ಕೆಲಸಗಳಲ್ಲಿ ಅಕ್ಷಯ್ ಬಿಜಿಯಾಗಿದ್ದಾರೆ. ಇತ್ತ ಜಾಕ್ಲೀನ್ ಸಹ ಸಾಲುಸಾಲು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.