ಯಶ್ ಹಾಗೂ ಪ್ರಶಾಂತ್ ನೀಲ್ ಕಾಂಬಿನೇಷನ್ಸಿನಿಮಾಗೆ ಭರ್ಜರಿ ಓಪನಿಂಗ್ ಪಡೆದುಕೊಂಡಿತ್ತು. ನೋಡ ನೋಡುತ್ತಲೇ ವರ್ಲ್ಡ್ ಬಾಕ್ಸ್ ಆಫೀಸ್ ಲೂಟಿ ಹೊಡೆಯುತ್ತಿದೆ.
ಸಲಾಂ ರಾಕಿ ಭಾಯ್ . ಇಡೀ ವಿಶ್ವವೇ ಕಳೆದ ಕೆಲವು ದಿನಗಳಿಂದ ಇದೊಂದು ವಿಷಯದ ಬಗ್ಗೆ ಚರ್ಚೆ ನಡೆಸುತ್ತಲೇ ಇದ್ದಾರೆ. ಇದಕ್ಕೆ ಕಾರಣ ನಮ್ಮ ಮಾನ್ಸ್ಟರ್ ರಾಕಿಂಗ್ ಸ್ಟಾರ್ ಯಶ್. ಹೌದು, ಕೆಜಿಎಫ್ 2 (KGF 2) ಸಿನಿಮಾ ಇಡೀ ವಿಶ್ವದಲ್ಲೇ ತನ್ನ ಆರ್ಭಟವನ್ನು ಮುಂದುವರೆಸಿದ. ವಿಶ್ವದ ಮೂಲೆ ಮೂಲೆಯಲ್ಲೂ ರಾಕಿ ಭಾಯ್ ವೈಲೆನ್ಸ್) ಜೋರಾಗಿದೆ. ಇನ್ನೂ ದಾಖಲೆಗಳೆಲ್ಲ ಯಶ್ ಅಬ್ಬರದ ಮುಂದೆ ಬ್ರೇಕ್ ಆಗಿದೆ. ಒಂದೊಂದೆ ದಾಖಲೆಗಳನ್ನು ಬ್ರೇಕ್ ಮಾಡಿಕೊಂಡು ಬಂದಿದೆ. ಇಡೀ ವಿಶ್ವವೇ ಕನ್ನಡ ಸಿನೆಮಾದತ್ತ ಬೆರಗುಗಣ್ಣಿನಿಂದ ನೋಡುವಂತೆ ಮಾಡಿರುವ ಈ ಚಿತ್ರ ಹಲವಾರು ದಾಖಲೆಗಳನ್ನು ಧೂಳಿ ಪಟ ಮಾಡಿದೆ. ಸಿನಿಮಾ ರಿಲೀಸ್ ಆಗಿ 27 ದಿನ ಕಳೆದರು, ಈ ಸಿನಿಮಾವನ್ನು ಟಚ್ ಮಾಡೋದಕ್ಕೆ ಯಾವ ಸಿನಿಮಾಗಳಿಂದಲೂ ಸಾಧ್ಯವಾಗಿಲ್ಲ.
25 ದಿನಗಳು ಕಳೆದ ಬಳಿಕ ‘ಕೆಜಿಎಫ್ 2’ ಪ್ರದರ್ಶನ ಆಗುತ್ತಿರುವ ಚಿತ್ರಮಂದಿರಗಳ ಸಂಖ್ಯೆ ಕಡಿಮೆಯಾಗಿದೆ. ಹೀಗಿದ್ದರೂ, ಕಲೆಕ್ಷನ್ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಇದೀಗ ಹಾಲಿವುಡ್ ಸಿನಿಮಾಗೂ ಸೆಡ್ಡು ಹೊಡೆದಿದ್ದಾರೆ ರಾಕಿ ಭಾಯ್
ಕಳೆದ ವಾರ ‘ಕೆಜಿಎಫ್ 2’ ಸಿನಿಮಾಗೆ ಹಾಲಿವುಡ್ ಸಿನಿಮಾ ‘ಡಾಕ್ಟರ್ ಸ್ಟ್ರೇಂಜ್’ ಕಾಂಪಿಟೇಷನ್ ಕೊಟ್ಟಿತ್ತು. ಇಂದು ರಿಲೀಸ್ ಆಗಿರುವ ಸರ್ಕಾರು ವಾರಿ ಪಾಟ ಸಿನಿಮಾ ಕೂಡ ರಿಲೀಸ್ ಆಗಿದೆ. ಇದರ ಮಧ್ಯೆಯೂ ಕೆಜಿಎಫ್ 2 ಅಬ್ಬರಿಸುತ್ತಿದೆ ಎಂದರೆ ಕನ್ನಡಿಗರಿಗೆ ಹೆಮ್ಮೆಯ ವಿಚಾರ ಅಲ್ವಾ? 27ನೇ ದಿನವೂ ಕಲೆಕ್ಷನ್ ವಿಚಾರದಲ್ಲಿ ಹಿಂದೆಬಿದ್ದಿಲ್ಲ. ಆದರೆ, 25ನೇ ದಿನ ಹಾಗೂ 26ನೇ ದಿನಕ್ಕೆ ಹೋಲಿಸಿದರೆ, 27ನೇ ದಿನ ‘ಕೆಜಿಎಫ್ 2’ ಕಲೆಕ್ಷನ್ ಇಳಿಕೆ ಕಂಡಿದೆ.