ಬೆಂಗಳೂರು, ಜು 06 : ಇಡೀ ರಾಜ್ಯವನ್ನೇ ಬೆಚ್ಚಿ ಬೀಳಿಸಿದ್ದ ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಸಂಬಂಧ ಕೋರ್ಟ್ನಲ್ಲಿ ಸಾಕ್ಷಿಗಳ ವಿಚಾರಣೆ 2 ನೇ ದಿನಕ್ಕೆ ಕಾಲಿಟ್ಟಿದ್ದು, ಪ್ರತಿವಾದಿ ವಕೀಲರು ಪ್ರಮುಖ ಸಾಕ್ಷಿಯಾದ ಮೈಸೂರಿನ ಬಂದೂಕು ಅಂಗಡಿ ಮಾಲೀಕ ಸೈಯದ್ ಶಬ್ಬೀರ್ ಅವರನ್ನು ಪ್ರಶ್ನೋತ್ತರಕ್ಕೆ ಒಳಪಡಿಸಿದರು. ಆರೋಪಿಗೆ ಗನ್ ಮಾರಾಟ ಮಾಡಿರುದಾಗಿ ಅಂಗಡಿ ಮಾಲೀಕ ಹೇಳಿಕೆ ನೀಡಿದ್ದಾರೆ. ಬಂದೂಕು ಅಂಗಡಿ ಮಾಲೀಕನ ಸಾಕ್ಷ್ಯವು ಆರೋಪಿ ಮದ್ದೂರಿನ ಹಿಂದುತ್ವವಾದಿ ಕೆ. ಟಿ ನವೀನ್ ಕುಮಾರ್ ಎಂಬಾತನನ್ನು ಗುರುತಿಸಲು ಪೊಲೀಸರಿಗೆ ಸಹಾಯ ಮಾಡಿತು. ಕರ್ನಾಟಕ ಪೊಲೀಸ್ ವಿಶೇಷ ತನಿಖಾ ತಂಡ ಸಲ್ಲಿಸಿರುವ ಚಾರ್ಜ್ಶೀಟ್ ಪ್ರಕಾರ, ಶಬ್ಬೀರ್ ಅವರು ಕೆಟಿ ನವೀನ್ ಕುಮಾರ್ ಅವರ ಸಹವರ್ತಿಯೊಬ್ಬರಿಗೆ ಏರ್ಗನ್ ಅನ್ನು ಮಾರಾಟ ಮಾಡಿದ್ದಾರೆ. ಅವರು ಮತ್ತೊಂದು ಹತ್ಯೆಗೆ ಸಂಚು ರೂಪಿಸಲು ಆಯುಧವನ್ನು ಅಭ್ಯಾಸ ಮಾಡಲು ಬಯಸಿದ್ದರು. ಅವರ ಬಂಧನವು ವಿಚಾರವಾದಿ ಮತ್ತು ಲೇಖಕ ಕೆ ಎಸ್ ಭಗವಾನ್ ಅವರನ್ನು ಕೊಲ್ಲುವ ಸಂಚನ್ನು ವಿಫಲಗೊಳಿಸಿದೆ ಎಂದು ಪೊಲೀಸರು ಆರೋಪಿಸಿದ್ದಾರೆ.
ಹಲವು ಹತ್ಯೆಗಳಲ್ಲಿ ಕೈವಾಡ
ಗೌರಿ ಹತ್ಯೆ ಪ್ರಕರಣದಲ್ಲಿ 37 ವರ್ಷದ ನವೀನ್ ಎಂಬಾತ ಬಂದೂಕುಧಾರಿ ಎಂದು ಪೊಲೀಸರು ಪತ್ತೆ ಹಚ್ಚಿದ್ದು ಹಿಂದೂ ಯುವ ಸೇನೆ ಎಂಬ ಸಂಘಟನೆಯ ಸಂಸ್ಥಾಪಕ ನವೀನ್ನನ್ನು ಆರಂಭದಲ್ಲಿ ಕೆ ಎಸ್ ಭಗವಾನ್ ಹತ್ಯೆಗೆ ಸಂಚು ರೂಪಿಸಿದ್ದಕ್ಕಾಗಿ ಪೊಲೀಸರು ಬಂಧಿಸಿದ್ದರು. ಆದರೆ ಹೆಚ್ಚಿನ ತನಿಖೆಯು ಗೌರಿ ಪ್ರಕರಣದಲ್ಲಿ ಮಾತ್ರವಲ್ಲದೆ ಎಡ ಚಿಂತಕರಾದ ಗೋವಿಂದ್ ಪನ್ಸಾರೆ ಮತ್ತು ನರೇಂದ್ರ ದಾಭೋಲ್ಕರ್ ಅವರ ಹತ್ಯೆಗಳಲ್ಲಿ ಭಾಗಿಯಾಗಿರುವ ದೊಡ್ಡ ಹಿಂದುತ್ವದ ಭಯೋತ್ಪಾದಕ ಜಾಲದ ಭಾಗವಾಗಿದ್ದಾನೆ ಎಂದು ತಿಳಿದು ಬಂದಿತು.
