ಬೆಂಗಳೂರು: ಸೆಂಚುರಿ ಸ್ಟಾರ್ ಶಿವಣ್ಣ ಅಭಿನಯದ ಘೋಸ್ಟ್ ಚಿತ್ರ ನೆನ್ನೆ ರಾಜ್ಯದಾದ್ಯಂತ ಬಿಡುಗಡೆಯಾಗಿದ್ದು 60 ವರ್ಷ ದಾಟಿದರೂ ಸಹ ನಟನೆಯಲ್ಲಿ ಯಾರನ್ನು ಮೀರಿಸಲಾರು ಇಲ್ಲ ಎಂದು ಶಿವಣ್ಣ ನನ್ನು ಅಭಿಮಾನಿಗಳು ಕೊಂಡಾಡಿದ್ದಾರೆ.
ಸ್ಯಾಂಡಲ್ವುಡ್ನಲ್ಲಿ ನಟ ಶಿವರಾಜ್ಕುಮಾರ್ ಅಭಿನಯದ ಘೋಸ್ಟ್ ಹಾಗೂ ತಮಿಳಿನಲ್ಲಿ ವಿಜಯ್ ಅಭಿನಯದ ಲಿಯೋ ಸಿನಿಮಾ ಒಂದೇ ದಿನ ರಿಲೀಸ್ ಆಗಿದೆ. ಎರಡೂ ಸಿನಿಮಾಗಳು ಆಯಾ ಇಂಡಸ್ಟ್ರಿಯಲ್ಲಿ ಭಾರೀ ನಿರೀಕ್ಷಿತ ಸಿನಿಮಾಗಳಾಗಿದ್ದವು.
ಘೋಸ್ಟ್ ಸಿನಿಮಾಗೆ ವ್ಯಾಪಕ ಮೆಚ್ಚುಗೆ ಸಿಕ್ಕಿದೆ. ಶಿವರಾಜ್ಕುಮಾರ್ ಅವರ ಮಸ್ತ್ ಆ್ಯಕ್ಷನ್ ನೋಡಿ ಭೇಷ್ ಎಂದಿದ್ದಾರೆ ಪ್ರೇಕ್ಷಕರು. ಡಿಫರೆಂಟ್ ಸ್ಟೋರಿ, ಆ್ಯಕ್ಷನ್ ಕಾಂಬಿನೇಷನ್ಗೆ ಕನ್ನಡ ಸಿನಿಪ್ರೇಕ್ಷಕರು ಫಿದಾ ಆಗಿದ್ದಾರೆ. ಸಿನಿಮಾ ಪ್ರೇಕ್ಷಕರ ನಿರೀಕ್ಷೆಯನ್ನು ತಲುಪಿದ್ದು ಸಕ್ಸಸ್ಫುಲ್ ಆಗಿ ರನ್ ಆಗುತ್ತಿದೆ. ಸಿನಿಮಾ ಮೊದಲ ದಿನ 2 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ ಎಂದು ಹೇಳಲಾಗುತ್ತಿದೆ.
ಘೋಸ್ಟ್ ನೋಡಿದ ಸಿನಿ ಪ್ರಿಯರು ಶಿವಣ್ಣ ಅವರ ಆ್ಯಕ್ಷನ್ ಸೀನ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ವಯಸ್ಸಿನಲ್ಲಿ ಈ ರೇಂಜ್ಗೆ ಆ್ಯಕ್ಷನ್ ಮಾಡಿರೋದು ಅಧ್ಬುತ ಎಂದೂ ಹೇಳಿದ್ದಾರೆ. ಅಂತೂ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಸಕ್ಸಸ್ಫುಲ್ ಆಗಿ ರನ್ ಆಗುತ್ತಿದ್ದು ಎಲ್ಲರಿಂದ ಮೆಚ್ಚುಗೆ ಪಡೆದಿದೆ.
