ಅಲೋವೆರಾ ಎಂದ ತಕ್ಷಣ ನಮಗೆ ನೆನಪಾಗುವುದು ಕೂದಲು ಮತ್ತು ಮುಖದ ಕಾಂತಿ ಹೆಚ್ಚಿಸಲು ಬಳಸುತ್ತೇವೆ. ಹೌದು, ಸಾಮಾನ್ಯವಾಗಿ ಆಲೋವೆರಾ ಜೆಲ್ಲನ್ನು ನಾವು ನಮ್ಮ ಮುಖದ ಕಾಂತಿ ಮತ್ತು ಕೂದಲನ್ನು ಸಮೃದ್ಧಿಯಾಗಿ ಬೆಳೆಸಲು ಬಳಸುತ್ತೇವೆ.
ಕೇವಲ ಮುಖ ಮತ್ತು ಕೂದಲಿಗೆ ಮಾತ್ರವಲ್ಲದೆ ನಮ್ಮ ಆರೋಗ್ಯದಲ್ಲಿ ಕಾಡುವಂತಹ ವಿವಿಧ ರೀತಿಯ ಕಾಯಿಲೆಗೂ ಕೂಡ ಅಲೋವೆರ ಜೆಲ್ ಒಳ್ಳೆಯ ಔಷಧಿಯಾಗಿದೆ ಎಂದು ವೈದ್ಯರು ತಿಳಿಸುತ್ತಾರೆ.
ಪ್ರತಿನಿತ್ಯ ಅಲೋವೆರಾ ಸೇವಿಸುವುದರಿಂದ ನಮ್ಮ ಆರೋಗ್ಯದಲ್ಲಿರುವ ಹಲವಾರು ಸಮಸ್ಯೆಗಳನ್ನು ನಿವಾರಿಸಿಕೊಳ್ಳಬಹುದು.
ಅಲೋವೆರಾ ಜ್ಯೂಸ್ ಕುಡಿಯುವುದರಿಂದಾಗುವ ಪ್ರಯೋಜನಗಳು
ತೂಕ ನಷ್ಟಕ್ಕೆ ಸಹಕಾರಿ: ಆಲೋವೆರಾ ಜೆಲ್ ಸೇವನೆಯಿಂದ ಬೇಡವಾದ ಕೊಲೆಸ್ಟ್ರಾಲ್ ಕರಗಿಸಿ ನಮ್ಮ ದೇಹವನ್ನು ಸಮತೋಲನವಾಗಿ ಕಾಪಾಡಿಕೊಳ್ಳಲು ಸಹಾಯವಾಗುತ್ತದೆ.
ಇನ್ನು ಸಣ್ಣಗಾಗಲು ಬಯಸುವವರು ಅಲೋವೆರ ಜೆಲ್ ಸೇವನೆಯಿಂದ ಕ್ರಮೇಣವಾಗಿ ತಮ್ಮ ತೂಕ ನಷ್ಟವನ್ನು ಮಾಡಿಕೊಳ್ಳಬಹುದು. ಅಲೋವೆರಾ ಆಹಾರವನ್ನು ಜೀರ್ಣವಾಗುವಂತೆ ಮಾಡಿ ಕೊಬ್ಬನ್ನು ಶೇಖರಿಸುವುದನ್ನು ತಪ್ಪಿಸುತ್ತದೆ. ಈ ಮೂಲಕ ತೂಕ ನಷ್ಟಕ್ಕೂ ಸಹಕಾರಿಯಾಗಿದೆ.
ಜೀರ್ಣ ಕ್ರಿಯೆಯ ಸುಧಾರಣೆ: ಅಲೋವೆರಾ ಜೆಲ್ ಸೇವನೆಯಿಂದ ಜೀರ್ಣಶಕ್ತಿಯು ಹೆಚ್ಚಾಗುತ್ತದೆ. ಪ್ರತಿನಿತ್ಯ ಸ್ವಲ್ಪ ಅಲೋವೆರ ಜೆಲ್ ಸೇವನೆಯಿಂದ ನಮ್ಮ ಆರೋಗ್ಯದಲ್ಲಿ ಜೀರ್ಣ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದು. ಈ ಅಲೋವೆರಾ ಅಥವಾ ಲೋಳೆಸರದಲ್ಲಿನ ಕಿಣ್ವಗಳು ಹಾಗೂ ನಾರುಗಳು ಜೀರ್ಣಕ್ರಿಯೆ ಪ್ರಕ್ರಿಯೆ ಸುಧಾರಿಸುತ್ತದೆ. ಹೊಟ್ಟೆಯನ್ನು ಸ್ವಚ್ಛಗೊಳಿಸಿ ಜೀರ್ಣಕ್ರಿಯೆಗೆ ಸಂಬಂಧಪಟ್ಟ ಸಮಸ್ಯೆಯನ್ನು ದೂರ ಮಾಡುತ್ತದೆ.
ಕೂದಲು ಮೃದುವಾಗಲು ಸಹಾಯಕ: ಸಾಮಾನ್ಯವಾಗಿ ಕೂದಲು ಹೊರಟಾಗಿರುವಂತಹ ವಾರದಲ್ಲಿ ಒಂದು ಸಾರಿ ಅಲೋವೆರಾ ಜೆಲ್ ಅನ್ನು ಕೂದಲಿಗೆ ಹಚ್ಚುವುದರಿಂದ ನೈಸರ್ಗಿಕವಾಗಿ ಅವರ ಕೂದಲು ಮೃದುವಾಗಲು ಆಗುತ್ತದೆ.
ಹಲ್ಲುಗಳ ಆರೋಗ್ಯಕ್ಕೆ ಪೂರಕ: ಲೋಳೆರಸದ ಜ್ಯೂಸ್ ಕುಡಿಯುವುದರಿಂದ ಬಾಯಿಯ ದುರ್ವಾಸನೆಯೂ ಕಡಿಮೆ ಮಾಡಿ, ಒಸಡು ಮತ್ತು ಹಲ್ಲುಗಳನ್ನು ಶುಚಿಯಾಗಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.
