ಗುಡಿಬಂಡೆ: ಸರ್ಕಾರಿ ಸೇವೆಯೆಂಬುದು ಸಾರ್ವಜನಿಕರ ಸೇವೆಗಾಗಿ ಇರುವುದೇ ಹೊರತು ವೈಯಕ್ತಿಕ ಸಂಪತ್ತು ಕ್ರೋಢೀಕರಿಸಲಿಕ್ಕಲ್ಲ ಎಂಬ ಕನಿಷ್ಠ ಜ್ಞಾನವೂ ಇಲ್ಲದಂತೆ ವರ್ತಿಸಿರುವ ತಿರುಮಣಿ ಗ್ರಾಮ ಪಂಚಾಯಿತಿ ಪಿಡಿಓ ಶ್ರೀನಿವಾಸ ಮೂರ್ತಿಯವರ ಭ್ರಷ್ಟ ಮುಖವಾಡ ಈಗ ಸಾರ್ವಜನಿಕವಾಗಿ ಬಯಲಾಗಿದೆ.
ಅಭಿವೃದ್ಧಿ ಕಾಮಗಾರಿಗಳ ಬಿಡುಗಡೆಗಾಗಿ 3.5 ಲಕ್ಷ ರೂಪಾಯಿಗಳ ಬೃಹತ್ ಮೊತ್ತವನ್ನು ಲಂಚವಾಗಿ ಪಡೆಯುವ ಮೂಲಕ ಪಿಡಿಓ ವ್ಯವಸ್ಥಿತವಾಗಿ ಸರ್ಕಾರದ ಹಣವನ್ನು ಲೂಟಿ ಮಾಡುತ್ತಿರುವುದು ಸಾಬೀತಾಗಿದೆ.
ಸರ್ಕಾರಿ ಕಡತಗಳು ಕಚೇರಿಯಲ್ಲಿ ಸುರಕ್ಷಿತವಾಗಿರಬೇಕಾದ್ದು ನಿಯಮ. ಆದರೆ, ಶ್ರೀನಿವಾಸ ಮೂರ್ತಿಯವರ ಖಾಸಗಿ ಅಡ್ಡಾದಲ್ಲಿ, ಮಂಚದ ಮೇಲೆ ಸರ್ಕಾರಿ ಕಡತಗಳು ಚೆಲ್ಲಾಪಿಲ್ಲಿಯಾಗಿ ಬಿದ್ದಿರುವುದು ಇಡೀ ಆಡಳಿತ ಯಂತ್ರಕ್ಕೆ ಹಿಡಿದ ಕನ್ನಡಿಯಾಗಿದೆ. ಇದು ಕೇವಲ ಲಂಚದ ಪ್ರಕರಣವಲ್ಲ, ಬದಲಾಗಿ ಅಧಿಕೃತ ರಹಸ್ಯ ಕಾಯ್ದೆಯ ಉಲ್ಲಂಘನೆ ಮತ್ತು ಕರ್ತವ್ಯದ ಮೇಲಿನ ನಿರ್ಲಕ್ಷ್ಯವಾಗಿದೆ. ಇದನ್ನೂ ಓದಿ: ಬೆಂಗಳೂರು ಇಂದು ಅತಿದೊಡ್ಡ ಸ್ಟಾರ್ಟ್ಅಪ್ ಕೇಂದ್ರವಾಗಿದೆ: ಪ್ರಿಯಾಂಕ್ ಖರ್ಗೆ
ವಿಡಿಯೋ ಸಾಕ್ಷ್ಯ ಸಮೇತ ಸಿಕ್ಕಿಬಿದ್ದ ನಂತರ ಸಾರ್ವಜನಿಕರಿಗೆ ಮುಖ ತೋರಿಸಲಾಗದೆ, ಫೋನ್ ಸ್ವಿಚ್ ಆಫ್ ಮಾಡಿಕೊಂಡು ತಲೆಮರೆಸಿಕೊಂಡಿರುವುದು ಅವರ ಅಪರಾಧ ಮನೋಭಾವವನ್ನು ಎತ್ತಿ ತೋರಿಸುತ್ತದೆ.
