ಇತ್ತೀಚಿನ ದಿನಗಳಲ್ಲಿ ಜನರು ತಮ್ಮ ದಿನ ನಿತ್ಯದ ಆಹಾರದ ಶೈಲಿಯನ್ನು ಬದಲಾಯಿಸಿ ನೈಸರ್ಗಿಕವಾಗಿ ಸಿಗುವಂತಹ ಪದಾರ್ಥಗಳ ಮೋರೆ ಹೋಗುತ್ತಿದ್ದಾರೆ.
ಹೌದು, ದಿನನಿತ್ಯದಲ್ಲಿ ಬಳಸುವ ಟೀ, ಕಾಫಿ ಬದಲಾಗಿ ಜನರು ನೈಸರ್ಗಿಕವಾಗಿ ಸಿಗುವಂತ ಪಾನೀಯಗಳನ್ನ ಬಳಸಲು ಒಲವು ತೋರಿಸುತ್ತಿದ್ದಾರೆ. ಇದಕ್ಕೆ ಉದಾಹರಣೆ ಶಂಕ ಪುಷ್ಪ ಚಹಾ. ಈ ಚಹಾ ಆರೋಗ್ಯಕ್ಕೆ ಹಲವಾರು ರೀತಿಯಲ್ಲಿ ಉಪಯುಕ್ತ ಎಂದು ತಜ್ಞರು ತಿಳಿಸಿದ್ದಾರೆ.
ವೈದ್ಯರ ಪ್ರಕಾರ ಶಂಕ ಪುಷ್ಪ ಹೂವಿನಿಂದ ಚಹಾ ಮಾಡಿ ಕುಡಿಯುವುದರಿಂದ ಮೆದುಳಿನಲ್ಲಿ ಅಸೆಟೈಲ್ಕೋಲಿನ್ ಎಂಬ ನರಪ್ರೇಕ್ಷಕದ ಉತ್ಪಾದನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದರಿಂದ ಸ್ಮರಣಶಕ್ತಿ ಸುಧಾರಣೆ ಮತ್ತು ನೆನಪಿನ ಸಾಮರ್ಥ್ಯ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.
ಇನ್ನು ಮಧುಮೇಹ ಇರುವವರು ಕ್ರಮೇಣವಾಗಿ ಶಂಕ ಪುಷ್ಪ ಚಹಾ ಕೊಡುವುದರಿಂದ ಮಧುಮೇಹ ನಿಯಂತ್ರಣಕ್ಕೆ ಈ ಚಹಾ ಸಹಾಯಕವಾಗಿದ್ದು, ರಕ್ತದಲ್ಲಿನ ಸಕ್ಕರೆ ಮಟ್ಟ ಹಠಾತ್ ಏರಿಕೆಯಾಗುವುದನ್ನು ತಡೆಯಲು ಸಹಾಯ ಮಾಡುವ ಅಂಶಗಳು ಇದರಲ್ಲಿ ಇರುವುದಾಗಿ ತಿಳಿಸಲಾಗಿದೆ.
ಚರ್ಮ ಹಾಗೂ ಕೂದಲಿನ ಆರೈಕೆಗೆ ಸಹ ಉಪಯುಕ್ತವಾಗಿರುವ ಈ ಹೂವು ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸುವುದರ ಜೊತೆಗೆ ಕೂದಲು ಉದುರುವಿಕೆಯನ್ನು ಕಡಿಮೆ ಮಾಡಬಹುದು ಎಂದು ಹೇಳಲಾಗಿದೆ. ಜೊತೆಗೆ ದೇಹದ ಒತ್ತಡ, ಮೈಗ್ರೇನ್ ಹಾಗೂ ತಲೆನೋವು ಕಡಿಮೆ ಮಾಡಲು ಸಹ ಸಹಕಾರಿ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಶಂಕ ಪುಷ್ಪ ಹೂವಿನ ಚಹಾ ಮಾಡುವ ವಿಧಾನ
ಶಂಕ ಪುಷ್ಪ ಹೂಗಳನ್ನು ಚೆನ್ನಾಗಿ ನೀರಿನಿಂದ ತೊಳೆದು ಬಿಸಿ ನೀರಿನಲ್ಲಿ ಹಾಕಿ 5 ರಿಂದ 10 ನಿಮಿಷ ಚೆನ್ನಾಗಿ ಕುದಿಸಿ ಅದನ್ನು 5 ನಿಮಿಷಗಳ ಕಾಲ ಮುಚ್ಚಿಡಬೇಕು ನಂತರ ಜೇನುತುಪ್ಪ, ಏಲಕ್ಕಿ ಅಥವಾ ಶುಂಠಿ ಸೇರಿಸಿ ದಿನಕ್ಕೆ ಎರಡು ಬಾರಿ ಸೇವಿಸಬಹುದು. ಇದನ್ನೂ ಓದಿ: ನಿಮಗೆ ಬಿಳಿ ಕೂದಲಿನ ಸಮಸ್ಯೆ ಕಾಡ್ತಾ ಇದ್ದೀಯಾ? ಹಾಗಾದ್ರೆ ಈ ಸಿಂಪಲ್ ಮನೆಮದ್ದು ಬಳಸಿ!
ಪ್ರಮುಖವಾಗಿ ಚಹಾ ಮಾಡುವಾಗ ಸಕ್ಕರೆಯನ್ನು ಸೇರಿಸಬಾರದು. ಸಿಹಿ ಬೇಕನಿಸಿದರೆ ಜೇನುತುಪ್ಪ ಸೇರಿಸಿ ಸೇವಿಸಬಹುದು.
