ಶಹಾಪುರ: ಸಾಮಾಜಿಕ ಕಳಕಳಿಯ ವಿಶೇಷ ಲೇಖನಗಳ ಮೂಲಕ ಅನೇಕ ನೊಂದವರ ಬಾಳಿಗೆ ಬೆಳಕು ಚೆಲ್ಲುವ ಜೊತೆಗೆ ವರದಿಗಳ ಮೂಲಕ ಭ್ರಷ್ಟರನ್ನು ಎಚ್ಚರಿಸುತ್ತಿರುವ ವಿಜಯಕರ್ನಾಟಕ ಹಿರಿಯ ಪತ್ರಕರ್ತ ಅಮರೇಶ ಹಿರೇಮಠ ಅವರಿಗೆ ರಾಜ್ಯ ಮಟ್ಟದ ಅಭಿಮಾನಿ ಪ್ರಕಾಶ ಪ್ರಶಸ್ತಿ ಒದಗಿಬಂದಿರುವುದು ತಾಲೂಕಿನ ಪತ್ರಿಕೋದ್ಯಮಕ್ಕೆ ಮತ್ತೊಂದು ಹೆಮ್ಮೆಯ ಗರಿ ಎಂದು ಮಾಜಿ ನಗರಸಭೆ ಸದಸ್ಯ ಅಪ್ಪಣ್ಣ ದಶವಂತ ಹೇಳಿದರು.
ನಗರದಲ್ಲಿ ಗೆಳೆಯರ ಬಳಗದಿಂದ ಆತ್ಮೀಯವಾಗಿ ಸನ್ಮಾನಿಸಿ ಮಾತನಾಡಿ, ವಸ್ತುನಿಷ್ಠೇ ಹಾಗೂ ಸಮಾಜಕ್ಕೆ ಉಪಯುಕ್ತವಾಗುವಂತಹ ವರದಿಗಳ ಮೂಲಕ ವೃತ್ತಿಯ ಘನತೆಯನ್ನು ಹೆಚ್ಚಿಸುವಂತಹ ವಿಶೇಷ ವರದಿಗಳ ಮೂಲಕ ತಾಲೂಕಿಗೆ ‘ಡೈನಾಮಿಕ್’ ಪತ್ರಕರ್ತ ಎನ್ನುವ ಹೆಗ್ಗಳಿಕೆಗೆ ಅಮರೇಶ ಹಿರೇಮಠ ಅವರು ಪಾತ್ರರಾಗಿದ್ದಾರೆ. ಒಂದು ಸಮುದಾಯಕ್ಕೆ ಮೀಸಲಿರದೇ ಪ್ರತಿಯೊಂದು ಸಮಾಜದ ಬಗ್ಗೆ ಕಾಳಜಿ ಹೊಂದಿರುವ ಅವರು 15 ವರ್ಷಗಳ ಕಾಲ ನಿರಂತರವಾಗಿ ಪತ್ರಿಕಾ ವೃತ್ತಿಯ ಮೂಲಕ ಜಿಲ್ಲೇಯಲ್ಲಿಯೇ ತಮ್ಮದೇ ಆದ ವರ್ಚಸ್ಸನ್ನು ಗಳಿಸಿಕೊಂಡಿದ್ದಾರೆ. ಬಡವರು, ದೀನದಲಿತರು, ತುಳಿತಕ್ಕೆ ಒಳಗಾದವರ ಧ್ವನಿಯಾಗಿ ನಿತ್ಯ ಕಾರ್ಯ ನಿರ್ವಹಿಸುವ ಮೂಲಕ ನ್ಯಾಯ ಒದಗಿಸಲು ಆದ್ಯತೆ ನೀಡುತ್ತಿದ್ದು ಮುಂದಿನ ದಿನಗಳಲ್ಲಿ ರಾಷ್ಟ್ರ ಮಟ್ಟದಲ್ಲಿ ಮತ್ತಷ್ಟು ಹೆಚ್ಚು ಹೆಚ್ಚು ಪ್ರಶಸ್ತಿಗಳು ಸಿಗುವಂತಾಗಲಿ ಎಂದರು ಶುಭ ಹಾರೈಸಿದರು. ಇದನ್ನೂ ಓದಿ: ಅಭ್ಯರ್ಥಿಗಳ ಗೆಲುವಿಗಾಗಿ ಹಜರತ್ ಖಡಕ್ ಶಾ ವಲಿ ದರ್ಗಾಗೆ ಭೇಟಿ ನೀಡಿದ ಸಿಎಂ
ಈ ಸಂದರ್ಭದಲ್ಲಿ ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾ ಉಪಾಧ್ಯಕ್ಷ ಈರಣ್ಣ ಮೌರ್ಯ, ದೇವಪ್ಪ ಸುರಪುರ, ಸಿದ್ದು ಬೋಯರ್, ಮಲ್ಲಿಕಾರ್ಜುನ ಗೌಡಗೇರಿ, ಈರಣ್ಣ ದೊಡ್ಮನಿ, ಶೇಖಪ್ಪ ಸಗರ ಸೇರಿದಂತೆ ಇತರರು ಇದ್ದರು.
