ಬೇಸಿಗೆ ಬಂದರೆ ಸಾಕು ಸಾಮಾನ್ಯವಾಗಿ ದೇಹ ತಂಪುಗೊಳಿಸಲು ಕಲ್ಲಂಗಡಿ ಹಣ್ಣುಗಳನ್ನು ಸೇವೆನೆ ಮಾಡುವುದು ಮತ್ತು ಕಲ್ಲಂಗಡಿ ಹಣ್ಣಿನ ಜ್ಯೂಸ್ ಕುಡಿಯುವುದರಿಂದ ದೇಹ ತಂಪಾಗುತ್ತದೆ ಎಂದು ವೈದ್ಯರು ತಿಳಿಸುತ್ತಾರೆ.
ಕೆಲವರು ಕಲ್ಲಂಗಡಿ ಹಣ್ಣಿನ ಕೆಂಪು ಭಾಗವನ್ನ ಮಾತ್ರ ತಿಂದು ಇನ್ನುಳಿದ ಭಾಗ ಹಾಗೂ ಬೀಜಗಳನ್ನು ಬಿಸಾಕುತ್ತಾರೆ. ಆದರೆ ಕಲ್ಲಂಗಡಿ ಹಣ್ಣಿನ ಪ್ರತಿಯೊಂದು ಭಾಗಗಳಲ್ಲೂ ದೇಹಕ್ಕೆ ಬೇಕಾಗಿರುವ ಹಲವಾರು ಪೋಷಕಾಂಶಗಳು ಹಾಗೂ ವಿಟಮಿನ್ ಗಳ ಸಮೃದ್ಧಿ ಇದೆ ಎಂದು ವೈದಿರು ತಿಳಿಸುತ್ತಾರೆ.
ಹಾಗಾಗಿ ಕಲ್ಲಂಗಡಿ ಹಣ್ಣಿನ ಬೀಜಗಳು ಹಾಗೂ ಕಲ್ಲಂಗಡಿ ಹಣ್ಣಿನ ಬಿಳಿ ಭಾಗವನ್ನು ಅಪ್ಪಿ ತಪ್ಪಿಯು ಬಿಸಾಡಬೇಡಿ. ಇದರಲ್ಲಿ ಸಮೃದ್ಧವಾಗಿ ವಿಟಮಿನ್ಸ್ ಗಳಿರುವುದರಿಂದ ದೇಹಕ್ಕೆ ಬೇಕಾಗಿರುವ ಹಲವಾರು ಪ್ರೊಟೀನ್ ಗಳನ್ನು ಒದಗಿಸಲು ಸಹಾಯವಾಗುತ್ತದೆ ಎಂದು ವೈದ್ಯರು ತಿಳಿಸುತ್ತಾರೆ.
ರಕ್ತ ಪರಿಚಲನೆಯನ್ನು ಸುಧಾರಿಸಲು ಸಹಾಯ
ಬಿಳಿ ತಿರುಳಿನಲ್ಲಿ ‘ಸಿಟ್ರುಲಿನ್’ ಎಂಬ ಅಮೈನೋ ಆಮ್ಲವಿದ್ದು, ಇದು ರಕ್ತ ಪರಿಚಲನೆಯನ್ನು ಸುಧಾರಿಸಿ ಸ್ನಾಯು ನೋವನ್ನು ಕಡಿಮೆ ಮಾಡಲು ಸಹಕಾರಿಯಾಗಿದೆ. ಇದರಲ್ಲಿ ಸಕ್ಕರೆ ಅಂಶ ಕಡಿಮೆ ಹಾಗೂ ನಾರಿನ ಅಂಶ ಹೆಚ್ಚು ಇರುವುದರಿಂದ ಆರೋಗ್ಯಕರವಾಗಿದೆ. ಸೌತೆಕಾಯಿಯಂತಹ ರುಚಿ ಇರುವುದರಿಂದ ಇದನ್ನು ಸಲಾಡ್ಗಳಲ್ಲಿ ಬಳಸಬಹುದು.
ವೈರಲ್ ಸೋಂಕುಗಳಿಂದ ರಕ್ಷಣೆ
ಕಲ್ಲಂಗಡಿ ಬೀಜಗಳೂ ಪೋಷಕಾಂಶಗಳ ಗಣಿ ಎಂದು ತಜ್ಞರು ತಿಳಿಸಿದ್ದಾರೆ. ಬೀಜಗಳಲ್ಲಿ ಸತು, ಮೆಗ್ನೀಸಿಯಮ್ ಮತ್ತು ಪ್ರೋಟೀನ್ ಸಮೃದ್ಧವಾಗಿದ್ದು, ವೈರಲ್ ಸೋಂಕುಗಳಿಂದ ರಕ್ಷಣೆ, ಹೃದಯದ ಆರೋಗ್ಯ ಮತ್ತು ಸ್ನಾಯುಗಳ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ.
ತೂಕ ಇಳಿಸಲು ಸಹಾಯ
ಪೌಷ್ಟಿಕಾಂಶದ ದೃಷ್ಟಿಯಿಂದ ಕಲ್ಲಂಗಡಿ ವಿಟಮಿನ್ ಎ, ಸಿ, ಬಿ6 ಹಾಗೂ ಪೊಟ್ಯಾಸಿಯಮ್ನ ಉತ್ತಮ ಮೂಲವಾಗಿದೆ. ಕಡಿಮೆ ಕ್ಯಾಲೋರಿ ಹೊಂದಿರುವ ಈ ಹಣ್ಣು ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಸೂಕ್ತ ಆಯ್ಕೆಯಾಗಿದೆ.
