ಬೆಂಗಳೂರು: ಮುಸ್ಲಿಂ ಜನಾಂಗದವರು ಐದು ಹೊತ್ತು ನಮಾಜ್ ಮಾಡುವುದು ಸರ್ವೇಸಾಮಾನ್ಯ. ಮುಸ್ಲಿಮರು ಸಾಮಾನ್ಯವಾಗಿ ಐದು ಹೊತ್ತು ನಮಾಜ್ ಮಾಡುವ ಮೂಲಕ ದೇವರಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಾರೆ. ಕೆಲವು ಸತಿ ಹೊರಗಡೆ ಹೋಗಿದ್ದ ಸಂದರ್ಭದಲ್ಲಿ ನಮಾಜಿನ ಸಮಯವಾದರೆ ಹೊಲಗದ್ದೆಗಳಲ್ಲೂ ಕೂಡ ನಮಾಜ್ ಮಾಡುತ್ತಾರೆ.
ಅಲ್ಲದೆ ಕೆಲವೊಬ್ಬರು ಚಲಿಸುವ ರೈಲು ಹಾಗೂ ಬಸ್ಸಿನಲ್ಲೂ ಕೂಡ ನಮಾಜ್ ಮಾಡಿ ದೇವರಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಾರೆ. ಅದರಂತೆ ಬೆಂಗಳೂರಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸಾಮೂಹಿಕವಾಗಿ ಮುಸ್ಲಿಮರು ನಮಾಜ್ ಮಾಡಿರೋದು ಕಂಡು ಬಂದಿದೆ. ಇದನ್ನೂ ಓದಿ: ಮತ ಅಕ್ರಮದಲ್ಲಿ ಚುನಾವಣೆ ಆಯೋಗವೇ ಭಾಗಿ: ಡಿಕೆಶಿ
ಹೌದು, ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮುಸ್ಲಿಮರು ಮಾಡಿದ ಸಾಮೂಹಿಕ ನಮಾಜ್ ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವಿರೋಧ ವ್ಯಕ್ತವಾಗಿದೆ. ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್-2ರಲ್ಲಿ ನಡೆದ ಸಾಮೂಹಿಕ ನಮಾಜ್ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆ ಮತ್ತು ಆಕ್ರೋಶಕ್ಕೆ ಕಾರಣವಾಗಿದೆ. ಏರ್ಪೋಟ್ ಒಳಭಾಗದಲ್ಲೇ ಪ್ರಾರ್ಥನಾ ಕೊಠಡಿ ವ್ಯವಸ್ಥೆ ಇದ್ದರೂ, ಕೆಲವರು ಸಾರ್ವಜನಿಕ ಸ್ಥಳದಲ್ಲೇ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದ್ದಾರೆ.
