ಬೆಂಗಳೂರು: ಕಸದಿಂದ ರಸ ಎಂಬ ಮಾತು ಇತ್ತೀಚಿನ ದಿನಗಳಲ್ಲಿ ನಿಜ ಆಗುತ್ತಿದ್ದು ಇದಕ್ಕೆ ದೊಡ್ಡ ಉದಾಹರಣೆ ಎಂದರೆ ತೆಂಗು. ತೆಂಗಿನಕಾಯಿ ಮರದಿಂದ ಸಿಗುವ ಪ್ರತಿಯೊಂದು ರಂಬೆ, ಕೊಂಬೆಗಳು ಸೇರಿದಂತೆ ತೆಂಗಿನ ಚಿಪ್ಪು, ತೆಂಗಿನ ನಾರು (ಜುಬ್ಬರ) ಎಲ್ಲವೂ ಕೂಡ ಬಳಕೆಯಾಗುತ್ತದೆ.
ಹೌದು, ತಂಗಿನ ನಾರಿನಿಂದ ತಯಾರಾದ ಮ್ಯಾಟ್ಗಳು ಹಾಗೂ ಇನ್ನಿತರ ಉತ್ಪನ್ನಗಳನ್ನ ಕರ್ನಾಟಕ ರಾಜ್ಯದ ತೆಂಗು ರೈತರು ಉತ್ಪಾದಿಸುತ್ತಿದ್ದು, ಈ ಉತ್ಪಾದನೆಯನ್ನು ದೆಹಲಿಗೆ ಸರಬರಾಜು ಮಾಡುವ ವಾಹನಕೆ ಇಂದು (ಬುಧವಾರ ಏ. 22) ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಚಾಲನೆ ನೀಡಿದ್ದಾರೆ.
ನಂತರ ಮಾತನಾಡಿದ ಅವರು, ರಾಜ್ಯದಲ್ಲಿ ತಯಾರಾದ ತೆಂಗಿನ ನಾರಿನ ಮ್ಯಾಟ್ಗಳು ಮತ್ತು ಇತರೆ ಉತ್ಪನ್ನಗಳನ್ನು ದೆಹಲಿಗೆ ಸರಬರಾಜು ಮಾಡುತ್ತಿರುವುದು ಸಂತಸದ ಸಂಗತಿ.
ದೆಹಲಿಯಲ್ಲೂ ಇವುಗಳು ಜನಮನ್ನಣೆ ಗಳಿಸಿ, ರಾಜ್ಯದ ತೆಂಗು ಬೆಳಗಾರರ ಬದುಕಿಗೆ ಇನ್ನಷ್ಟು ಆರ್ಥಿಕ ಲಾಭ ತಂದುಕೊಡಲಿ ಎಂದು ಶುಭ ಹಾರೈಸಿದರು. ಇದನ್ನೂ ಓದಿ: ತಮಿಳುನಾಡಿನ ಆಡಳಿತ ಪಕ್ಷದ ಸಚಿವರಿಗೆ ನಟ ವಿಜಯ್ ತಿರುಗೇಟು!
ಈ ಸಂದರ್ಭದಲ್ಲಿ ತೆಂಗಿನ ನಾರಿನ ಅಭಿವೃದ್ಧಿ ನಿಗಮ ನಿಯಮಿತದ ಅಧ್ಯಕ್ಷರಾದ ನಟರಾಜ್ ಜಾನಕಿರಾಮ್, ಮುಖಂಡರಾದ ರವಿ ಬೋಸರಾಜು ಸೇರಿದಂತೆ ಅನೇಕರು ಈ ವೇಳೆ ಹಾಜರಿದ್ದರು.
