ಶಹಾಪುರ: ಸಗರ ಗ್ರಾಮ ಪಂಚಾಯಿತಿಯನ್ನು ಪಟ್ಟಣ ಪಂಚಾಯತಿಯನ್ನಾಗಿ ಮೇಲ್ದರ್ಜೆಗೆರಿಸಲು ಕಾರಣಿಭೂತರಾದ ಜಿಲ್ಲಾ ಉಸ್ತುವಾರಿ ಸಚಿವ ಶರಣಬಸಪ್ಪಗೌಡ ದರ್ಶನಾಪುರ ಅವರಿಗೆ ಮುಖಂಡರಾದ ಶ್ರೀಕಾಂತಗೌಡ ಸುಬೇದಾರ ಅಭಿನಂದನೆ ಸಲ್ಲಿಸಿದ್ದಾರೆ.
ತಾಲೂಕಿನಲ್ಲಿ ಬಹು ದೊಡ್ಡ ಗ್ರಾಮವಾದ ಸಗರ ಗ್ರಾಮವು ಬಹಳ ದಿನಗಳಿಂದ ಪಟ್ಟಣ ಪಂಚಾಯತ ಆಗಿ ಮೇಲ್ದರ್ಜೆಗೆರಬೇಕಿತ್ತು. ಆದರೆ ಹಲವು ಕಾರಣಗಳಿಂದ ಅದು ಸಾದ್ಯವಾಗಿದ್ದಿಲ್ಲ ಕಳೆದ ವರ್ಷ ಸಗರ ಗ್ರಾಮದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತಿನ ಕಾರ್ಯಕ್ರಮದಲ್ಲಿ ಸಭೆಯನ್ನುದ್ದೇಶಿಸಿ ಮಾತಾನಾಡಿದ ಸಚಿವ ದರ್ಶನಾಪುರ ರವರು ನನ್ನ ಈ ಅವಧಿಯಲ್ಲಿ ಸಗರ ಗ್ರಾಮ ಪಂಚಾಯಿತಿಯನ್ನು ಪಟ್ಟಣ ಪಂಚಾಯತಿಯನ್ನಾಗಿ ಮೇಲ್ದರ್ಜೆಗೆರಿಸಲು ಬೇಕಾಗುವ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತೆನೆ ಎಂದು ನುಡಿದಿದ್ದರೂ ಅದರಂತೆ ಈ ವಿಷಯವಾಗಿ ನಾವು ಕೂಡ ಕೆಲವು ಬಾರಿ ಸಚಿವರ ಜೊತೆ ಚರ್ಚೇ ಮಾಡಿದಾಗ ಯಾವದೇ ಕಾರಣಕ್ಕೂ ಸಗರ ಗ್ರಾಮವನ್ನು ಪಟ್ಟಣ ಪಂಚಾಯತಿಯನ್ನಾಗಿ ಮೇಲ್ದರ್ಜೆಗೆರಿಸೊಣ ಎನ್ನುವ ಅಭಿಪ್ರಾಯ ತಿಳಿಸಿದ್ದರು. ಇದನ್ನೂ ಓದಿ: ರಾಜ್ಯದಲ್ಲಿ ಮಾನ್ಸೂನ್ ಅವಧಿಯಲ್ಲಿ ಅತಿವೃಷ್ಟಿಯಿಂದ ಆದ ಬೆಳೆ ಹಾನಿ: ರೈತರ ಸಂಕಷ್ಟಕ್ಕೆ ಸ್ಪಂದಿಸಿದ ಸರ್ಕಾರ
ಈ ಕುರಿತು ಹಲವು ಪತ್ರಿಕೆಗಳು ಸಹ ವರದಿಗಳನ್ನು ಪ್ರಕಟಿಸಿದ್ದವು. ಅದರಂತೆ ಸಗರ ಜನತೆಯ ಬಹುದಿನದ ಕನಸು ಇಂದು ಸಚಿವರಾದ ದರ್ಶನಾಪುರ ರವರ ಮುಖಾಂತರ ಈಡೇರಿರುವದರಿಂದ ಮುಖಂಡರಾದ ಶ್ರೀಕಾಂತ ಸುಬೇದಾರ ಅವರು ಅಭಿನಂದನೆ ತಿಳಿಸಿದ್ದರು.
ಇಂದು (ಗುರುವಾರ ನ. 27) ನಡೆದ ಸಚಿವ ಸಂಪುಟ ಸಭೆಯಲ್ಲಿ ಸಗರ ಮತ್ತು ವಡಗೇರವನ್ನು ಪಟ್ಟಣ ಪಂಚಾಯಿತಿಯನ್ನಾಗಿ ಮೇಲ್ದರ್ಜೆಗೆರಿಸಲು ಸಂಪುಟ ಅಸ್ತು ಎಂದಿದ್ದು, ಜನತೆಯ ಬಹು ದಿನಗಳ ಬೇಡಿಕೆಯನ್ನು ಈಡೇರಿಸಿದಂತಾಗಿದೆ ಎಂದರು.
