ಶಹಾಪುರ: ನಗರಸಭೆ ಕಚೇರಿಯಲ್ಲಿ ಬ್ರೋಕರ್ಗಳ ಹಾವಳಿ ತಡೆಯಲು ಕ್ರಮ ತೆಗೆದುಕೊಳ್ಳಲಾಗುವುದು. ಸಾರ್ವಜನಿಕರು ಇಂತಹ ವಂಚನೆಗೆ ಒಳಗಾಗದೇ ಅಂತಹ ಸನ್ನಿವೇಶ ಕಂಡುಬಂದರೆ ಇಲಾಖೆಯ ಸಹಾಯವಾಣಿಗೆ ಕರೆ ಮಾಡಿದರೆ ಅಂತವರ ವಿರುದ್ಧ ನಗರ ಠಾಣೆಯಲ್ಲಿ ದೂರು ದಾಖಲಿಸಿ ಶಿಸ್ತು ಕ್ರಮ ತೆಗೆದುಕೊಳ್ಳುವುದು ಆದ್ದರಿಂದ ಸಾರ್ವಜನಿಕರು ಸಹಕರಿಸಬೇಕು ಎಂದು ನಗರಸಭೆ ಪೌರಾಯುಕ್ತ ಕೆ. ಜೀವನ್ ತಿಳಿಸಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ಸಾರ್ವಜನಿಕರು ವಂಚನೆಯ ಜಾಲಕ್ಕೆ ಬಲಿಯಾಗದೇ ಎಚ್ಚೆತ್ತುಕೊಳ್ಳಬೇಕು. ಈಗಾಗಲೇ ಕಚೇರಿಯ ಪ್ರತಿಯೊಂದು ಕೋಣೆಯಲ್ಲಿ ಸಿಸಿ ಟಿವಿ ಅಳವಡಿಸಲು ಸೂಚಿಸಲಾಗಿದೆ. ಕಚೇರಿಯ ಒಂದು ಕೋಣೆಯಲ್ಲಿ ಸಿಸಿಟಿವಿ ಇಲ್ಲದೇ ಇದ್ದು ಅಲ್ಲಿಯೂ ಸಹ ಅಳವಡಿಕೆಗೆ ಸೂಚಿಸಲಾಗಿದೆ. ಮತ್ತು ಅಂತಹ ಮಧ್ಯವರ್ತಿಗಳಿಂದ ವಂಚನೆಯನ್ನು ತಡೆಯಲು ಮತ್ತು ಇ-ಖಾತಾ ಜನಹಿತ ಕೇಂದ್ರದ ಸಹಾಯವಾಣಿ ಮೊ. 7259995243 ಇದ್ದು ಕರೆ ಮಾಡಿ ಮಾಹಿತಿ ಪಡೆಯಬಹುದು ಎಂದಿದ್ದಾರೆ. ಮಧ್ಯವರ್ತಿ ಹಾವಳಿಯ ಕುರಿತು ತಿಳಿಸಿದ್ದಲ್ಲಿ ನಿಮ್ಮ ಹೆಸರು ಗೌಪ್ಯವಾಗಿ ಇರಿಸಲಾಗುವುದು, ಮಧ್ಯವರ್ತಿಗಳ ವಿರುದ್ಧ ನಗರ ಠಾಣೆಯಲ್ಲಿ ದೂರು ದಾಖಲಿಸಲಾಗುವುದು ಎಂದು ತಿಳಿಸಿದ್ದಾರೆ. ಇದನ್ನೂ ಓದಿ: ರಾಜ್ಯದಲ್ಲಿ ಜಾತಿ ಜನಗಣತಿ ಮರು ಸರ್ವೇ, ಕಾಂಗ್ರೆಸ್ ಮಹತ್ವದ ಘೋಷಣೆ
ಬಿ-ಖಾತೆಗೆ 2 ತಿಂಗಳು ಕಾಲಾವಕಾಶವಿದೆ, 1800 ಅರ್ಜಿಗಳು ಬಂದಿದ್ದು, ಅದರಲ್ಲಿ 600 ಅರ್ಜಿದಾರರಿಗೆ ಬಿ-ಖಾತಾ ನೀಡಲಾಗಿದೆ. 300 ಅರ್ಜಿಗಳಲ್ಲಿ ಸರಿಯಾದ ಮಾಹಿತಿಗಳಿಲ್ಲಾ. ಇನ್ನೂ ಉಳಿದ ಅರ್ಜಿಗಳಿ ಪರಿಶೀಲಿಸಲಾಗುತ್ತಿದ್ದು, ಆದಷ್ಟು ಬೇಗ ಅರ್ಜಿದಾರರಿಗೆ ಬಿ-ಖಾತಾ ನೀಡಲಾಗುವುದು. ಇನ್ನೂ ಯಾರಾದರು ಖಾತಾದಾರರು ಅರ್ಜಿ ಸಲ್ಲಿಸುವಂತಿದ್ದರೆ ಸಲ್ಲಿಸಬಹುದಾಗಿದೆ ಎಂದು ಪೌರಾಯುಕ್ತರಾದ ಜೀವನ್ ತಿಳಿಸಿದ್ದಾರೆ.
