ಶಹಾಪುರ: ರಾಜ್ಯ ಹೆದ್ದಾರಿಯ ಸಾದ್ಯಾಪುರ ಹಳ್ಳರ ಹತ್ತಿರ ರೌಡಿಶೀಟರ್ ಸಣ್ಣಮಾಪಣ್ಣ ಭೀಮಪ್ಪ ಬಡಿಗೇರನ ಕೊಲೆ ಪ್ರಕರಣಕ್ಕೆ ಸಂಭಂಧಪಟ್ಟಂತೆ ಮತ್ತಿಬ್ಬರು ಆರೋಪಿಗಳನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ಡಿಎಸ್ಪಿ ಜಾವೀದ್ ಇನಾಂದಾರ ತಿಳಿಸಿದ್ದಾರೆ.
ಈ ಕುರಿತು ಪತ್ರಿಕೆ ಪ್ರಕಟಣೆಯಲ್ಲಿ ತಿಳಿಸಿರುವ ಅವರು ಮಾರ್ಚ್ 16 ರಂದು ಹಾಡುಹಗಲೇ ರೌಡಿಶೀಟರ್ ಮಾಪಣ್ಣನ ಕೊಲೆ ನಡೆದಿತ್ತು. ಈ ಹಿನ್ನಲೇ ಮೃತ ಮಾಪಣ್ಣನ ಪತ್ನಿ ಠಾಣೆಗೆ ಹಾಜರಾಗಿ ದೂರು ಸಲ್ಲಿಸಿದ್ದರು. ದೂರಿನ ಬೇನ್ನಲ್ಲೇ ಮೂವರು ಆರೋಪಿತರುಗಳಾದ ಎ2 ಆರೋಪಿ ಹುಸೇನಿ, ಎ3 ಆರೋಪಿ ಶಿವಪ್ಪಗೌಡ ಮತ್ತು ಮಹಮ್ಮದ್ ರಿಯಾಜ್ ನನ್ನು ಪೊಲೀಸರು ಮಾರ್ಚ್ 20 ರಂದು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಿದ್ದರು. ಇದೀಗ ಮಾರ್ಚ್ 29 ರ ಪ್ರಥಮ ವರ್ತಮಾನದ ವರದಿಯಲ್ಲಿರುವ ಆರೋಪಿತರಾದ ಎ10 ಮಹ್ಮದ್ ಅಲ್ಲಾವುದ್ದೀನ್ ಕಂಕರ್, ಎ11 ಆರೋಪಿ ಸಾಕೀಬ್ ಹುಸೇನಿ ಕಾಲಿಮತ್ತು ನನ್ನು ದಸ್ತಗಿರಿ ಮಾಡಿ ಮಾರ್ಚ್ 30 ರಂದು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ತಿಳಿಸಿದ್ದಾರೆ. ಇದನ್ನೂ ಓದಿ: ಸೇಡಿಗೆ ಸೇಡು, ಖಾಕಿ ಬೇಟೆ, ನೆತ್ತರು ಹರಿಸಿದ ಹಂತಕರು ಜೈಲಿಗೆ
ಮೃತ ಮಾಪಣ್ಣನ ಕೊಲೆಗೆ ಸಂಭಂಧಪಟ್ಟಂತೆ ಮತ್ತಿಬ್ಬರು ಆರೋಪಿಗಳನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಬಂಧಿತ ಆರೋಪಿಗಳಿಬ್ಬರು 4 ವಾರಗಳಿಂದ ಆರೋಪಿ ಹುಸೇನಿ ತಿಳಿಸಿದಂತೆ ಮೃತ ಮಾಪಣ್ಣನನ್ನು ಹಿಂಬಾಲಿಸಿ, ಮೃತನ ಬಗ್ಗೆ ಮಾಹಿತಿ ನೀಡಿ, ಕೊಲೆಯಾಧ ಬಳಿಕ ಮೃತಪಟ್ಟಿದ್ದಾನೊ ಅಥವಾ ಇಲ್ಲವೋ ಎಂಬುದನ್ನು ಘಟನೆ ಸ್ಥಳಕ್ಕೆ ಬಂದು ನೋಡಿ ಹುಸೇನಿಗೆ ಖಚಿತಪಡಿಸಲು ಮೊಬೈಲ್ಗಳಲ್ಲಿ ವಿಡಿಯೋ ರೆಕಾರ್ಡಿಂಗ್ ಮಾಡಿಕೊಂಡಿದ್ದು ತನಿಖೆ ವೇಳೆ ಸಾಬೀತಾಗಿದೆ. ಮತ್ತು ಕೃತ್ಯಕ್ಕೆ ಬಳಸಲಾದ ಆಯುಧಗಳನ್ನು, ಮೊಬೈಲ್, ಮೋಟಾರ್ ಸೈಕಲ್, ಕಾರನ್ನು ಜಪ್ತಿಮಾಡಿಕೊಳ್ಳಲಾಗಿದೆ ಎಂದು ಡಿಎಸ್ಪಿ ಜಾವೇದ್ ಇನಾಂದಾರ ರವರು ತಿಳಿಸಿದ್ದಾರೆ.
