ಶೈನ್ ಶೆಟ್ಟಿಗೆ ಬಿಗ್ ಬಾಸ್ ವಿನ್ನರ್ ಪಟ್ಟ! ರನ್ನರ್ ಅಪ್ ಆದ ಕುರಿ ಪ್ರತಾಪ್

113 ದಿನಗಳ ಭಾರಿ ಕುತೂಹಲಕ್ಕೆ ತೆರೆ ಬಿದ್ದಿದೆ. ಬಿಗ್ ಬಾಸ್ ಕನ್ನಡ ಸೀಸನ್ 7ರ ಫಿನಾಲೆ ನಡೆದಿದ್ದು ಅಂತಿಮವಾಗಿ ಶೈನ್ ಶೆಟ್ಟಿ ವಿಜೇತರಾಗಿದ್ದಾರೆ. ಕೊನೇ ಹಂತದವರೆಗೂ ಫೈಟ್ ನೀಡಿದ ನಟ ಕುರಿ ಪ್ರತಾಪ್ ರನ್ನರ್ ಅಪ್ ಸ್ಥಾನಕ್ಕೆ ಸಮಾಧಾನಪಟ್ಟುಕೊಂಡಿದ್ದಾರೆ. ಶೈನ್ ಶೆಟ್ಟಿಗೆ ಬಿಗ್ ಬಾಸ್ ವಿನ್ನರ್ ಪಟ್ಟ! ರನ್ನರ್ ಅಪ್ ಆದ ಕುರಿ ಪ್ರತಾಪ್  ನಿರೂಪಕ ಕಿಚ್ಚ ಸುದೀಪ್ ಬಿಗ್ ಬಾಸ್ ಮನೆಯೊಳಗೆ ತೆರಳಿ ಇಬ್ಬರು ಫೈನಲಿಸ್ಟ್ಗಳಾದ ಕುರಿ ಪ್ರತಾಪ್ ಮತ್ತು ಶೈನ್ ಶೆಟ್ಟಿಯನ್ನು ವೇದಿಕೆಗೆ ಕರೆತಂದರು. ಆ ಸಂದರ್ಭದಲ್ಲಿ ಇಡೀ ವಾತಾವರಣದಲ್ಲಿ ಕಾತರ ಹೆಚ್ಚಿತ್ತು. ವೀಕ್ಷಕರು ಕಾತರದ ಕಣ್ಣುಗಳಿಂದ ಎಲ್ಲವನ್ನೂ ನೋಡುತ್ತಿರುವಾಗ ಶೈನ್-ಪ್ರತಾಪ್ ಎದೆಯಲ್ಲಿ ಏನೋ ಒಂದು ವಿಚಿತ್ರ ಭಾವ ಆವರಿಸಿತ್ತು. ಅಂತಿಮವಾಗಿ ಸುದೀಪ್ ಯಾರ ಕೈಯನ್ನು ಎತ್ತಿ ಹಿಡಿಯುತ್ತಾರೆ ಎಂಬ ಮಿಲಿಯನ್ ಡಾಲರ್ ಪ್ರಶ್ನೆಯಿಂದಾಗಿ ಇಡೀ ಫಿನಾಲೆ ವೇದಿಕೆಗೆ ಹೈವೋಲ್ಟೇಜ್ ಹರಿದಂತಾಯಿತು. ಈ ಮೊದಲೇ ಎಲಿಮಿನೇಟ್ ಆದ ಎಲ್ಲ ಸ್ಪರ್ಧಿಗಳೂ ಫಿನಾಲೆ ಕಾರ್ಯಕ್ರಮಕ್ಕೆ ಹಾಜರಾಗಿದ್ದರು. ‘ಯಾರು ಗೆಲ್ಲುತ್ತಾರೆ’ ಎಂದು ಸುದೀಪ್ ಕೇಳಿದ ಪ್ರಶ್ನೆಗೆ 50-50 ಉತ್ತರ ಕೇಳಿಬಂತು. ಆದರೆ ವೀಕ್ಷಕರ ವೋಟ್ ಯಾರಿಗೆ ಹೆಚ್ಚು ಬಂದಿದೆ ಎಂಬುದರ ಮೇಲೆ ಕಿಚ್ಚ ಅಂತಿಮ ನಿರ್ಧಾರವನ್ನು ಘೋಷಿಸಿದರು. ಅಂತಿವಾಗಿ ಶೈನ್ ಶೆಟ್ಟಿ ವಿಜೇತರಾಗಿ ಹೊರಹೊಮ್ಮಿದರು.ಫಿನಾಲೆ ಹೊತ್ತಲ್ಲಿ ವಾಸುಕಿ ಬರೆದ ಹೊಸ ಹಾಡು ಹೇಗಿದೆ ನೋಡಿ; ಕೆಲವೇ ಸಾಲುಗಳಲ್ಲಿ ಬಿಗ್ ಬಾಸ್ ಅನುಭವದ ಚಿತ್ರಣ! ಪ್ರತಿ ವರ್ಷದಂತೆ 50 ಲಕ್ಷ ರೂ. ಕೊಡುವುದರ ಜೊತೆಗೆ ಹೆಚ್ಚುವರಿ 11 ಲಕ್ಷ ರೂ. ಕೂಡ ಶೈನ್ ಶೆಟ್ಟಿ ಪಾಲಾಯಿತು. ಅಲ್ಲದೆ, ಹೊಚ್ಚ ಹೊಸ ಮಾಡೆಲ್ನ ಟಾಟಾ ಅಲ್ಟ್ರಾಸ್ ಕಾರು ನೀಡಲಾಗಿದೆ. ರನ್ನರ್ ಅಪ್ ಆದ ಕುರಿ ಪ್ರತಾಪ್ಗೆ 6 ಲಕ್ಷ ರೂ. ಬಹುಮಾನದ ಮೊತ್ತ ಸಿಕ್ಕಿದೆ.