ಮೈಸೂರು, ಜೂ 29 : ಮೈಸೂರು ಅಭಿವೃದ್ಧಿ ವಿಚಾರವಾಗಿ ಸಂಸದ ಪ್ರತಾಪ್ ಸಿಂಹ ಇಂದು ಕಾಂಗ್ರೆಸ್ ಮುಖಂಡರನ್ನು ಬಹಿರಂಗ ಚರ್ಚೆಗೆ ಆಹ್ವಾನಿಸಿದ್ದಾರೆ.
ಪ್ರತಾಪ್ ಸಿಂಹ ಬಹಿರಂಗ ಚರ್ಚೆಯ ಆಹ್ವಾನ ಸ್ವೀಕರಿಸುವ ಕಾಂಗ್ರೆಸ್ ನಾಯಕರು ಮೇಜು, ಕುರ್ಚಿ ಸಮೇತ ಸಂಸದರ ಕಚೇರಿಯತ್ತ ಹೊರಟಿದ್ದಾರೆ.
ಕಾಂಗ್ರೆಸ್, ಸಂಸದರೊಂದಿನ ಸಂವಾದಕ್ಕಾಗಿ ತೆರೆದ ವಾಹನದಲ್ಲಿ ವೇದಿಕೆ ಸಜ್ಜುಗೊಳಿಸಿದ್ದು, ಜಿಲ್ಲಾ ಕಾಂಗ್ರೆಸ್ ವಕ್ತಾರ ಎಂ.ಲಕ್ಷ್ಮಣ್ ಮೈಸೂರಿನ ಕಾಂಗ್ರೆಸ್ ಕಚೇರಿಯಿಂದ ಪ್ರತಾಪ್ ಸಿಂಹ ಕಚೇರಿಯತ್ತ ಮೆರವಣಿಗೆ ಹೊರಟಿದ್ದಾರೆ.
ಇನ್ನು ಕೆಲವೇ ಸಮಯದಲ್ಲಿ ಕಾಂಗ್ರೆಸ್ ನಾಯಕರು ಪ್ರತಾಪ್ ಸಿಂಹ ಕಚೇರಿ ತಲುಪಲಿದ್ದು, ಬಳಿಕ ಬಹು ನಿರೀಕ್ಷೆಯ ಮೈಸೂರು ಅಭಿವೃದ್ಧಿ ಬಹಿರಂಗ ಚರ್ಚೆ ಆರಂಭವಾಗಲಿದೆ.