ಶಹಾಪುರ: ಶಹಾಪುರ ನಗರದಲ್ಲಿ ಕಳೆದ 3 ದಿನಗಳಿಂದ ಸುರಿಯುತ್ತಿರುವ ಮಳೆಗೆ ಯುಜಿಡಿಗಾಗಿ ತೊಡಿ ಬಿಟ್ಟ ಗುಂಡಿ ಮತ್ತು ರಸ್ತೆಗೆ ಹಾಕಿರುವ ಮಣ್ಣಿನಿಂದ ರಸ್ತೆಯಲ್ಲಾ ಕೆಸರು ಗದ್ದೆಯಾಗಿದ್ದು, ಸಾರ್ವಜನಿಕರು ಓಡಾಡಲು ಬಾರದ ಸ್ಥೀತಿ ತಲುಪಿದ್ದು ಸಾರ್ವಜನಿಕರು ಕಾಮಗಾರಿ ಮಾಡಿದ ಗುತ್ತಿಗೆದಾರ ಮತ್ತು ನಗರಸಭೆ ಅಧಿಕಾರಿಗಳ ವಿರುದ್ಧ ಹಿಡಿಶಾಪ ಹಾಕುತ್ತಿದ್ದಾರೆ.
ನಗರದ ವಾರ್ಡ್ ನಂ.2ರ ವಿದ್ಯಾರಣ್ಯ ಶಾಲೆಯ ಹತ್ತೀರ ಈಗಾಗಲೇ ಯೂಜಿಡಿಗಾಗಿ ನೆಲ ಅಗೆದು ರಸ್ತೆಯಲ್ಲಾ ಗುಂಡಿ ಮಯ ಮಾಡಿದ್ದು, ತಗ್ಗು ದಿನ್ನೆಗಳಿಂದ ಕೂಡಿದ ರಸ್ತೆಗಳ ಮೇಲೆ ಓಡಾಡುವ ಜನರ ಪ್ರಾಣಸಂಕಟ ಕೇಳುವವರಿಲ್ಲದಾಗಿದೆ. ಸುಮಾರು ತಿಂಗಳುಗಳಿಂದ ಈ ಕಾಮಗಾರಿ ನಡೆಯುತ್ತಿದೆ. ಆದರೆ ಇರುವ ಉತ್ತಮ ರಸ್ತೆಗಳನ್ನು ಒಡೆದು ಹಾಳು ಮಾಡಿ ಜನರ ಜೀವದ ಜೊತೆ ಚೆಲ್ಲಾಟವಾಡುತ್ತಿದ್ದಾರೆ. ಇದರಿಂದ ರಸ್ತೆಯಲ್ಲಿ ವಾಹನ ಸಂಚಾರ ಕೂಡ ಹಲವೇಡೆಗಳಲ್ಲಿ ಸಾಧ್ಯವಿಲ್ಲದಂತಾಗಿದೆ. ಉತ್ತಮ ಸ್ಥೀತಿಯಲ್ಲಿದ್ದ ಕಾಂಕ್ರೀಟ್ ರಸ್ತೆಗಳನ್ನು ಜೆಸಿಬಿ ಮೂಲಕ ಅಗೆದು ಅದೇ ರೀತಿ ಬಿಟ್ಟಿದ್ದಾರೆ. ಅದನ್ನು ಮುಚ್ಚುವ ಕೆಲಸ ಗುತ್ತಿಗೆದಾರರು ಮಾಡುತ್ತಿಲ್ಲ. ಒಳಚರಂಡಿ ಕಾಮಗಾರಿ ಮಾಡುವವರು ಯಾವುದೇ ಪೂರ್ವ ತಯಾರಿ ಇಲ್ಲದೇ ಬೇಕಾಬಿಟ್ಟಿಯಾಗಿ ಯೋಜನೆ ಆರಂಭಿಸಿದ್ದಾರೆ ಎಂದು ಜನರು ದೂರುತ್ತಿದ್ದಾರೆ.
ನಗರದ ಅನೇಕ ಬಡಾವಣೆಗಳಲ್ಲಿ ಎಲ್ಲಾ ರಸ್ತೆಗಳಲ್ಲಿ ಚರಂಡಿ ತೆಗೆದು ಅದರ ಮಣ್ಣನ್ನು ಅಲ್ಲಿಯೇ ಬಿಟ್ಟಿದ್ದಾರೆ. ಇದರಿಂದ ರಸ್ತೆಗಳು ದಿಬ್ಬಗಳಾಗಿ ಮಾರ್ಪಟ್ಟಿವೆ. ಮಳೆ ನೀರು ಚರಂಡಿಯಲ್ಲಿ ಹರಿಯದೆ ರಸ್ತೆಯಲ್ಲಿ ಹರಿಯುವಂತಾಗಿದೆ. ಚರಂಡಿ ತೆಗೆದು ಮಣ್ಣನ್ನು ರಸ್ತೆಗೆ ಬಿಟ್ಟಿದ್ದಾರೆ. ಇದರಿಂದ ಅನಾಹುತವಾಗುವುದು ಖಂಡಿತ. ಅಧಿಕಾರಿಗಳಿಗೆ ಹೇಳಿದರೂ ಮಣ್ಣನ್ನೂ ತೆರವುಗೊಳಿಸಲು ಕ್ರಮ ತೆಗೆದುಕೊಳ್ಳಲಿಲ್ಲಾ ಎಂದು ಸಾರ್ವಜನಿಕರು ಅಸಮಾಧಾನ ವ್ಯಕ್ತಪಡಿಸಿದರು.
ತೋಡಿಬಿಟ್ಟ ಗುಂಡಿಯಿಂದ ಕೇಸರುಮಯವಾದ ರಸ್ತೆ
ತೋಡಿಬಿಟ್ಟ ಗುಂಡಿಯಿಂದ ಕೇಸರುಮಯವಾದ ರಸ್ತೆಯಿಂದ ತ್ರಿಚಕ್ರ ವಾಹನ ಕೇಸರಲ್ಲಿ ಸಿಕ್ಕಿಕೊಂಡು ನೆಲಕ್ಕೆ ಬಿದ್ದು ಒಳಪೆಟ್ಟಾಗಿವೆ. ಅಂಗವಿಕಲನಾದ ನಾನು ನಿತ್ಯ ಸಂಚಾರ ಮಾಡಬೇಕಂದರೆ ಜೀವ ಕೈಯಲ್ಲಿಡಿದು ಹೋಗಬೇಕು. ನಗರಸಭೆ ಅಧಿಕಾರಿಗಳಿಗೆ, ಯೂಜಿಡಿ ಅಧಿಕಾರಿಗಳು ಕರೆ ಮಾಡಿದರು ಸರಿಯಾಗಿ ಸ್ಪಂದಿಸುತ್ತಿಲ್ಲ. ಕೂಡಲೇ ಜನಪ್ರತಿನೀಧಿಗಳು ಸಂಭAಧಪಟ್ಟವರ ಮೇಲೆ ಕ್ರಮ ಕೈಗೊಂಡ ಸಾರ್ವಜನಿಕರ ಹಿತ ಕಾಪಾಡಬೇಕು. ಗುಂಡಿಗಳನ್ನು ಮುಚ್ಚಿ ಸುಗಮ ಸಂಚಾರಕ್ಕೆ ಅನುಕೂಲ ಮಾಡಿಕೊಡಬೇಕು ಬಡಾವಣೆ ನಿವಾಸಿಯಾದ ಭೀಮನಗೌಡ ಗಂಗನಾಳ ಮನವಿ ಮಾಡಿದರು.
