ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ನಕಲಿ ಪ್ರಾಡಕ್ಟ್ ಗಳ ಹಾವಳಿ ಹೆಚ್ಚಾಗುತ್ತಿದ್ದು, ಕರ್ನಾಟಕದ ಹೆಮ್ಮೆಯ ನಂದಿನಿ ತುಪ್ಪದ ಉತ್ಪನ್ನಗಳು ಕೂಡ ನಕಲಿಯಾಗಿ ಮಾರ್ಪಟ್ಟಿರೋದು ಪತ್ತೆಯಾಗಿದ್ದು, ಇದೀಗ ನಕಲಿ ಉತ್ಪನ್ನಗಳಿಗೆ ಬ್ರೇಕ್ ಹಾಕಲು ಕೆಎಂಎಫ್ ಹೊಸ ಪ್ಲಾನ್ ಒಂದನ್ನು ರೂಪಿಸಿದೆ.
ಹೌದು, ಕರ್ನಾಟಕದ ಹೆಸರಾಂತ ನಂದಿನಿ ತುಪ್ಪಗಳಲ್ಲಿ ಇತ್ತೀಚಿಗೆ ನಕಲಿ ತುಪ್ಪಗಳು ಕಂಡು ಬರುತ್ತಿದ್ದು, ಇದೀಗ ನಕಲಿಗಳಿಗೆ ಬ್ರೇಕ್ ಹಾಕಲು ಕೆಎಂಎಫ್ ಸಂಸ್ಥೆಯು ಮಹತ್ವದ ಯೋಜನೆಯನ್ನು ರೂಪಿಸಿದ್ದು, ಪ್ರತಿಯೊಂದು ನಂದಿನಿ ಉತ್ಪನ್ನಗಳ ಮೇಲೆ ಕ್ಯೂಆರ್ ಕೋಡ್ ಬಳಕೆ ಮಾಡುವುದರಿಂದ ನಕಲಿಗಳ ಹಾವಳಿಯನ್ನು ತಡೆಗಟ್ಟಬಹುದು ಎಂದು ಕೆಎಂಎಫ್ ಇದೀಗ ಕ್ಯೂಆರ್ ಕೋಡ್ ಬಳಕೆಗೆ ಮುಂದಾಗಿದೆ.
ಇನ್ನು ಗ್ರಾಹಕರು ಈ ಕೋಡ್ ಅನ್ನು ಸ್ಕ್ಯಾನ್ ಮಾಡಿದಾಗ, OTP ಮೂಲಕ ಉತ್ಪನ್ನದ ಸಂಪೂರ್ಣ ಮಾಹಿತಿ, ತಯಾರಿಕಾ ಸ್ಥಳ, ದಿನಾಂಕ, ಮಾರ್ಕೆಟ್ ಕೋಡ್ ಎಲ್ಲವನ್ನು ತಮ್ಮ ಫೋನ್ನಲ್ಲಿ ಪಡೆಯಬಹುದು. ಇದನ್ನೂ ಓದಿ: ಮಾನ್ಯ ಮುಖ್ಯಮಂತ್ರಿಗಳೇ, ಹಿಂದೂ ಸಮಾಜದ ತಾಳ್ಮೆ ಪರೀಕ್ಷಿಸಬೇಡಿ: ಬಿವೈವಿ
ಈ ಹೊಸ ಕ್ರಮವು ನಂದಿನಿ ಬ್ರ್ಯಾಂಡ್ ಶ್ರೇಣಿಯನ್ನು ಕಾಪಾಡುವ ಜೊತೆಗೆ ನಕಲಿ ಉತ್ಪನ್ನ ತಡೆಗೆ ಸಹಕಾರಿ ಆಗಲಿದೆ. ಹಂತ ಹಂತವಾಗಿ ಇತರ ನಂದಿನಿ ಉತ್ಪನ್ನಗಳ ಮೇಲೆಯೂ ಈ ವ್ಯವಸ್ಥೆಯನ್ನು ಜಾರಿಗೆ ತರಲು ಕೆಎಂಎಫ್ ಯೋಚನೆ ಮಾಡುತ್ತಿದೆ.
