ಚಿಕ್ಕಬಳ್ಳಾಪುರ: ರೆಡ್ ರೋಸ್ ಅನ್ನ ಪ್ರತಿಯೊಬ್ಬರು ಇಷ್ಟಪಡುತ್ತಾರೆ. ಹಾಗಾಗಿಯೇ ರೆಡ್ ರೋಸ್ ಗಳಿಗೆ ಎಲ್ಲಿಲ್ಲದ ಬೇಡಿಕೆ. ಅದರಲ್ಲೂ ಕೂಡ ಪ್ರೇಮಿಗಳ ದಿನಾಚರಣೆ ಬಂದರೆ ಸಾಕು ಕೆಂಪು ಗುಲಾಬಿಗೆ ಸಾಕಷ್ಟು ಬೇಡಿಕೆ ಇರುತ್ತದೆ.
ತಾವು ಇಷ್ಟಪಟ್ಟ ಹುಡುಗಿಗೆ ಕೆಂಪು ಗುಲಾಬಿ ನೀಡಿ ಪ್ರಪೋಸ್ ಮಾಡಿ ಪ್ರೇಮಿಗಳ ದಿನಾಚರಣೆಯಂದು ಒಬ್ಬರಿಗೊಬ್ಬರು ಪರಸ್ಪರ ಮನ ಬಿಚ್ಚಿ ಮಾತಾಡುವುದೇ ಈ ಗುಲಾಬಿ ಹೂವಿನಿಂದ ಶುರು ಮಾಡುತ್ತಾರೆ.
ಹೌದು, ಪ್ರೇಮಿಗಳ ದಿನಾಚರಣೆಗೂ ಕೆಂಪು ಗುಲಾಬಿಗೂ ಎಲ್ಲಿಲ್ಲದ ನಂಟು. ಪ್ರತಿಯೊಬ್ಬ ಹುಡುಗನು ತಮ್ಮ ಹುಡುಗಿಯನ್ನು ಮನವೊಲಿಸಲು ಮೊದಲು ನೀಡುವುದೇ ಕೆಂಪು ಗುಲಾಬಿ.
ಇನ್ನು ಪ್ರೇಮಿಗಳ ದಿನಾಚರಣೆ ಹತ್ತಿರ ಬಂದಂತೆ ರೆಡ್ ರೋಸ್ ನ ಬೆಲೆ ಏರಿಕೆಯಾಗುತ್ತಿದ್ದು, ರೈತರ ಮುಖದಲ್ಲಿ ಮಂದಹಾಸ ಮೂಡಿದೆ. ಅಲ್ಲದೆ ನಮ್ಮ ಕರ್ನಾಟಕದಲ್ಲಿ ಬೆಳೆದ ಕೆಂಪು ಗುಲಾಬಿಯನ್ನು ಇದೀಗ ವಿದೇಶಕ್ಕೂ ಕೂಡ ರಫ್ತು ಮಾಡಲಾಗುತ್ತಿದೆ. ವರ್ತಕರು ಒಂದೊಂದು ಹೂಗಳಿಗೆ 20 ರೂಪಾಯಿ ಕೊಟ್ಟು ಹೂ ಖರೀದಿ ಮಾಡಲು ಮುಗಿಬಿದ್ದಿದ್ದಾರೆ. ಇದನ್ನೂ ಓದಿ: ಮೂರನೇ ವ್ಯಕ್ತಿ ಬಗ್ಗೆ ಚಿಂತಿಸುವುದು ನಮ್ಮನ್ನು ಮುಂದೆ ಸಾಗಲು ಬಿಡುವುದಿಲ್ಲ: ನಟಿ ಮಯೂರಿ
ಫೆಬ್ರವರಿ 14 ರ ಪ್ರೇಮಿಗಳ ದಿನಾಚರಣೆಗೂ ಮುನ್ನ, ವಿದೇಶಗಳಲ್ಲಿ ರೋಸ್ ಡೇ, ಪ್ರಪೋಸ್ ಡೇ, ಟೆಡ್ಡಿ ಡೇ, ಚಾಕೊಲೇಟ್ ಡೇ, ಪ್ರಾಮೀಸ್ ಡೇ, ಹಗ್ ಡೇ, ಕಿಸ್ ಡೇ ಸೇರಿದಂತೆ ವಿವಿಧ ಡೇ ಗಳ ಮೂಲಕ ಪ್ರೀತಿ ಪ್ರೇಮ ಹಂಚಿಕೊಳ್ಳುತ್ತಾರೆ. ಇದ್ರಿಂದ ಎಲ್ಲಾ ಡೇ ಗಳ ಪ್ರೇಮ ನಿವೇದನೆಗೆ ಈ ರೆಡ್ ರೋಜ್ ಬೇಕಾಗಿದೆ. ಹಾಗಾಗಿ ಇದೀಗ ರೆಡ್ ರೋಸ್ ಗಳ ಬೆಲೆ ಗಗನಕ್ಕೆ ಏರಿದೆ. ಅಲ್ಲದೆ ವರ್ತಕರೆ ಒಂದು ಗುಲಾಬಿ ಹೂವಿಗೆ ರೂ.20 ಕೊಟ್ಟು ಖರೀದಿ ಮಾಡಲು ಮುಂದಾಗಿದ್ದು, ಗ್ರಾಹಕರಿಗೆ ಅದನ್ನ ಸುಮಾರು 30 ರಿಂದ 50 ರೂಪಾಯಿಗೆ ಸೇಲ್ ಮಾಡುತ್ತಿದ್ದಾರೆ.
