ಶಹಾಪುರ: ತಳವಾರರಿಗೆ ಪರಿಶಿಷ್ಟ ಪಂಗಡ ಜಾತಿ ಪ್ರಮಾಣ ಪತ್ರ ಸರಕಾರಿ ನೌಕರರಿಗೆ ಸಿಂಧುತ್ವ ಪ್ರಮಾಣ ಪತ್ರ ಮತ್ತು ರೈತರಿಗೆ ಸರಕಾರದ ಹಲವು ಸೌಲಭ್ಯಗಳನ್ನು ನೀಡುವಂತೆ ಒತ್ತಾಯಿಸಿ ಜಿಲ್ಲಾ ತಳವಾರ ಹಿತರಕ್ಷಣಾ ಸಮಿತಿಯಿಂದ ಜಿಲ್ಲಾ ಉಸ್ತುವಾರಿ ಸಚಿವರ ಕಾರ್ಯಲಯದ ಎದುರು ಧರಣಿ ಸತ್ಯಾಗ್ರಹ ನಡೆಸಿದರು.
ಸ್ಥಳಕ್ಕೆ ಸಚಿವರು ಆಗಮಿಸಿ ಪ್ರತಿಭಟನಕಾರರ ಸಮಸ್ಯೆಗಳನ್ನು ಆಲಿಸಿ, ಬಳಿಕ ಮನವಿಗೆ ಸ್ಪಂದಿಸಿ ನೈಜ ತಳವಾರ ಸಮಾಜಕ್ಕೆ ಎಸ್ಟಿ ಪ್ರಮಾಣ ಪತ್ರ ನೀಡುವಂತೆ ಜಿಲ್ಲಾಧಿಕಾರಿಗಳಿಗೆ ಕರೆ ಮಾಡಿ ತಿಳಿಸಿದರು. ಇದನ್ನೂ ಓದಿ: ಮೇಕೆದಾಟು ಯೋಜನೆ ಬಹಳ ವರ್ಷದ ರಾಜ್ಯದ ಜನರ ಕನಸಾಗಿದೆ: ಬೊಮ್ಮಾಯಿ
ಈ ಸಂದರ್ಭದಲ್ಲಿ ಜಿಲ್ಲಾ ತಳವಾರ ಸಮಾಜದ ಜಿಲ್ಲಾಧ್ಯಕ್ಷ ಭಾಗೇಶ ಏವೂರ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವಶಂಕರ ಹೊಸಮನಿ, ಜಿಲ್ಲಾ ಗೌರವಧ್ಯಕ್ಷ ದೊಡ್ಡಪ್ಪ ಎಚ್ ತಳವಾರ, ಜಿಲ್ಲಾ ಉಪಾಧ್ಯಕ್ಷ ಮಡಿವಾಳ ತಳವಾರ, ಪರಮಾನಂದ ತಳವಾರ, ದೇವಿಂದ್ರಪ್ಪ ಚಾಕ್ರಿ, ಶರಣು ದೇವರಮನಿ, ಸಮಾಜದ ಯುವ ಮುಖಂಡ ಭೀಮಣ್ಣ ಶಖಾಪುರ, ಎಚ್.ಆರ್ ಬಡಿಗೇರ, ವೆಂಕಟೇಶ ಯಾದಗಿರಿ, ರಮೇಶ ಯಾದಗಿರಿ, ದೇವು ಯಾದಗಿರಿ ಹಲವು ಸಮಾಜದ ಮುಖಂಡರು ಇದ್ದರು.
