ಬೆಂಗಳೂರು: ಬೊಮ್ಮನಹಳ್ಳಿಯ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಶಾಸಕರಾಗಿರುವಂತಹ ಎಂ ಸತೀಶ್ ರೆಡ್ಡಿ ಅವರು ಇಂದು (ಶನಿವಾರ ಜುಲೈ 12) ರಂದು HSR ಲೇಔಟ್ನಲ್ಲಿರುವ ನೂತನವಾಗಿ ನಿರ್ಮಿಸಿದ ಲವಕುಶ ಉದ್ಯಾನವನವನ್ನು ಉದ್ಘಾಟಿಸಿದರು.
ಪಾರ್ಕ್ ಉದ್ಘಾಟನೆ ಮಾಡಿ ನಂತರ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಸ್ಥಳೀಯ ನಾಗರಿಕರ ಆರೋಗ್ಯ ಮತ್ತು ಸಮೃದ್ಧಿಗಾಗಿ ಈ ಪಾರ್ಕ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದರು.
ಉದ್ಯಾನವನವು ಒಳಗೊಂಡಿರುವ ಸೌಲಭ್ಯಗಳು
ಆಧುನಿಕ ಜಿಮ್ ಉಪಕರಣಗಳು – ಆರೋಗ್ಯಪೂರ್ಣ ಜೀವನಕ್ಕಾಗಿ
ಯೋಗ ಭವನ – ಶಾಂತಿ ಮತ್ತು ಸಮತೋಲನದ ಹಾದಿಗೆ
ಆಡಳಿತ ಕಾರ್ಯಾಲಯ – ಪಾರ್ಕ್ ನಿರ್ವಹಣೆ ಮತ್ತು ಸಾರ್ವಜನಿಕ ಸಹಕಾರಕ್ಕಾಗಿ
ವಿದ್ಯುತ್ ದೀಪಗಳ ಸೌಲಭ್ಯ – ಸಂಜೆ ಸಮಯದಲ್ಲಿ ನಿರ್ವಹಣೆ ಮತ್ತು ಭದ್ರತೆಗೆ.
ಈ ಉದ್ಯಾನವನವು ನಮ್ಮ ಸುತ್ತಮುತ್ತಲಿನ ನಿವಾಸಿಗಳಿಗೆ ವಿಶ್ರಾಂತಿ, ವ್ಯಾಯಾಮ ಮತ್ತು ಸಮೂಹ ತೊಡಗಿಕೆಯ ಕೇಂದ್ರವಾಗಿ ಉಪಯೋಗವಾಗಲಿದೆ. ಉದ್ಯಾನವನವನ್ನು ಸಾರ್ವಜನಿಕರು ಜವಾಬ್ದಾರಿಯಿಂದ ಉಪಯೋಗಿಸಿ, ಸ್ವಚ್ಛ ಮತ್ತು ಹಸಿರಾಗಿ ಇಟ್ಟು ಬೆಳೆಸೋಣ ಎಂದರು. ಇದನ್ನೂ ಓದಿ: ಪ್ರತಿಯೊಂದು ಪಾತ್ರಕ್ಕೂ ಜೀವ ತುಂಬಿದ ಕಲಾವಿದರು ಶಿವಣ್ಣ: ಎಂಬಿ ಪಾಟೀಲ್
ಈ ಸಂದರ್ಭದಲ್ಲಿ ವಿಧಾನ ಪರಿಷತ್ ಸದಸ್ಯರಾದ ಶ್ರೀ ಗೋಪಿನಾಥ್ ರೆಡ್ಡಿ ರವರು,ಬೊಮ್ಮನಹಳ್ಳಿ ಬಿಬಿಎಂಪಿ ವಲಯ ಆಯುಕ್ತರಾದ ಶ್ರೀಮತಿ ರಮ್ಯ ರವರು,ಸ್ಥಳೀಯ ಮುಖಂಡರು ಹಾಗೂ ನಿವಾಸಿಗಳು ಉಪಸ್ಥಿತರಿದ್ದರು.
