ಶಹಾಪುರ: ಬುಧವಾರ ಗುತ್ತಿಗೆದಾರರು ಪತ್ರಿಕಾಗೋಷ್ಠಿ ನಡೆಸಿ ನಮ್ಮ ಕಾರ್ಯಕ್ಕೆ ಸಂಘಟನೆಗಳು ಅಡ್ಡಿಪಡಿಸುತ್ತಿವೆ ಎಂದು ನೇರ ಆರೋಪ ಮಾಡಿರುವುದು ಖಂಡನೀಯ ಎಂದು ಕ.ರಾ.ರೈ.ಸಂಘ ಹಸಿರು ಸೇನೆಯ ಜಿಲ್ಲಾಧ್ಯಕ್ಷ ಮಲ್ಲಣ್ಣಗೌಡ ಹಗರಟಗಿ ಹೇಳಿದರು.
ನಗರದ ಪ್ರವಾಸಿ ಮಂದಿರದಲ್ಲಿ ವಿವಿಧ ಸಂಘಟನೆಗಳ ಮುಖಂಡರು ಸುದ್ದಿಗೋಷ್ಠಿ ನಡೆಸಿ ಮಾತನಾಡಿ ಜೆಜೆಎಂ ಕಾಮಗಾರಿ ತಾಲೂಕಿನಾದ್ಯಂತ ನಡೆಯುತ್ತಿದೆ ಇದರ ಕುರಿತು ತನಿಖೆ ಮಾಡಲು ಕೋರಿ ಸರ್.ರಂ ವಿಶ್ವೇಶ್ವರಯ್ಯ ಕಟ್ಟಡ ಕಾರ್ಮಿಕ ಸಂಘವು ಮನವಿ ಪತ್ರ ಸಲ್ಲಿಸಲಾಗಿತ್ತು. ಇದರ ಬೇನ್ನಲ್ಲೇ ಗುತ್ತಿಗೆದಾರರ ಸಂಘ ಆರೋಪ ಮಾಡಿದೆ. ನಿಮ್ಮ ಕಾರ್ಯಕ್ಕೆ ಅಡ್ಡಿಪಡಿಸಿದ ಸಂಘಟನೆಗಳ ಹೆಸರನ್ನು ನೇರವಾಗಿ ಬಹಿರಂಗಪಡಿಸಿ ಸಂಘಟನೆಯ ಮೇಲೆ ದೂರು ನೀಡಬಹುದು ಅದನ್ನು ಬಿಟ್ಟು ಎಲ್ಲಾ ಸಂಘಟನೆಗಳ ಮೇಲೆ ಆರೋಪ ಮಾಡಿದ್ದು ಹಾಸ್ಯಾಸ್ಪದವಾದದ್ದು. ಇದನ್ನೂ ಓದಿ: ನಮ್ಮ ರಸ್ತೆ 2025 ಕಾರ್ಯಕ್ರಮಕ್ಕೆ ಡಿಸಿಎಂ ಚಾಲನೆ
ಕೆಲಸಗಳು ಗುಣಮಟ್ಟದಿಂದ ಕೂಡಿರದಿದ್ದಾಗ ಅದನ್ನು ವಿರೋಧಿಸಿ ಸರಿದಾರಿಗೆ ತರುವುದು ಸಂಘಟನೆಗಳ ಕೆಲಸ ಆದರೆ ಸಂಘಟನೆಗಳ ವಿರುದ್ಧ ಈ ರೀತಿ ಆರೋಪ ಮಾಡಿದ್ದು, ಸರಿಯಾದ ಕ್ರಮವಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಪ್ರದೀಪ ಅಣಬಿ, ಸುಭಾಷ ಹೊತಪೇಠ, ನಿಂಗಣ್ಣ ಕದರಾಪುರ, ಇಸ್ಮಾಯಿಲ್ ತಿಮ್ಮಾಪುರಿ, ವೆಂಕಟೇಶ ಆಲ್ದಾಳ, ಶಿವುಕುಮಾರ ಶಿರವಾಳ, ವಿಶ್ವರಾಧ್ಯ ಚಲುವಾದಿ, ಮರೆಪ್ಪ ಕ್ರಾಂತಿ, ದೇವಿಂದ್ರಪ್ಪ ಶಿರವಾಳ, ಬಸವರಾಜ ನಾಯ್ಕೊಡಿ, ಮೋಹನರಾಜ್, ಹೈಯಾಳಪ್ಪ, ರಾಮಲಿಂಗ ಸೇರಿದಂತೆ ಇನ್ನಿತರರು ಇದ್ದರು.
