ಬೆಂಗಳೂರು: ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ಟಾಲಿವುಡ್ನಲ್ಲಿ ಇವರಿಬ್ಬರು ಒಟ್ಟಿಗೆ ನಟನೆ ಮಾಡಿದ ಗೀತ ಗೋವಿಂದಂ, ಡಿಯರ್ ಕಾಮ್ರೇಡ್ ಎರಡು ಚಿತ್ರಗಳು ಸೂಪರ್ ಡೂಪರ್ ಹಿಟ್ ಆಗಿದ್ದು, ಮತ್ತೆ ಇದೀಗ ಈ ಜೋಡಿಗಳು ತೆರೆ ಮೇಲೆ ರೋಮ್ಯಾನ್ಸ್ ಮಾಡಲು ರೆಡಿಯಾಗಿದ್ದಾರೆ.
ಯೆಸ್…ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ಇವರಿಬ್ಬರು ತೆಲುಗಿನ ರಾಹುಲ್ ಸಂಕೃತ್ಯ ನಿರ್ದೇಶನದಲ್ಲಿ ಮುಂಬರುವ ಚಿತ್ರಕ್ಕಾಗಿ ಮತ್ತೆ ತೆರೆಯ ಮೇಲೆ ಒಂದಾಗಲಿದ್ದಾರೆ. ಈ ಬಾರಿ 1800ರ ದಶಕದಲ್ಲಿ ಬ್ರಿಟಿಷ್ ಆಳ್ವಿಕೆಯಲ್ಲಿ ನಡೆದ ಕಥೆಯಲ್ಲಿ ಈ ಜೋಡಿ ಪರದೆ ಹಂಚಿಕೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ. ಇವರಿಬ್ಬರು ಹಳ್ಳಿ ಪಾತ್ರದಲ್ಲಿ ಒಂದಾಗಲಿದ್ದಾರೆ ಎಂದು ಮೂಲಗಳ ಪ್ರಕಾರ ತಿಳಿದು ಬಂದಿದೆ.
ನಟ ವಿಜಯ್ ದೇವರಕೊಂಡ ಆಂಧ್ರದ ರಾಯಲುಸೀಮೆಯ ಹಳ್ಳಿಗಾಡಿನ ಪಾತ್ರವನ್ನು ನಿರ್ವಹಿಸುವ ನಿರೀಕ್ಷೆ ಇದೆ. ಇದು ಅವರ ವೃತ್ತಿಜೀವನದಲ್ಲಿ ಮೊದಲ ಪ್ರಯತ್ನ. ರಶ್ಮಿಕಾ ಕೂಡ ವಿಭಿನ್ನ ಪಾತ್ರದಲ್ಲೇ ಕಾಣಿಸ್ಕೊಳ್ಳಲಿದ್ದಾರೆ. ಅಲ್ಲದೆ 6 ವರ್ಷಗಳ ಬಳಿಕ ಒಂದಾಗುತ್ತಿರುವ ರಶ್ಮಿಕಾ ಹಾಗೂ ವಿಜಯ್ ದೇವಕೊಂಡ ಜೋಡಿ ಅಭಿಮಾನಿಗಳ ಮೋಡಿ ಮಾಡಲು ತಯಾರಾಗುತ್ತಿದ್ದಾರೆ.
