ಬೆಂಗಳೂರು : ಕ್ಯಾಪ್ಟನ್ ಕೂಲ್ ಎಂದೇ ಹೆಸರಾಗಿರುವ ಭಾರತ ಕ್ರಿಕೆಟ್ ತಂಡದ ಮಾಜಿ ಯಶಸ್ವಿ ನಾಯಕ ಮಹೇಂದ್ರ ಸಿಂಗ್ ಧೋನಿ, ಬುಧವಾರ ಜುಲೈ 7ರಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.
ಎಂ. ಎಸ್. ಧೋನಿ, 40ನೇ ವರ್ಷಕ್ಕೆ ಕಾಲಿರಿಸುತ್ತಿದ್ದು, ಈ ಸಂದರ್ಭದಲ್ಲಿ ಅಭಿಮಾನಿಗಳು ಸಾಮಾಜಿಕ ತಾಣಗಳಲ್ಲಿ ಕ್ರಿಕೆಟಿಗನಿಗೆ ಶುಭ ಕೋರುತ್ತಿದ್ದಾರೆ.
ಧೋನಿ, ಎಲ್ಲ ಮಾದರಿಯ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದಾರೆ. ಆದರೆ ಐಪಿಎಲ್ ಕ್ರಿಕೆಟ್
ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ.
ಪ್ರೀತಿಯ ತಲೈವ ಧೋನಿಗೆ ಸುರೇಶ್ ರೈನಾ, ರವೀಂದ್ರ ಜಡೇಜಾ, ಸ್ಯಾಮ್ ಕರನ್, ಇಮ್ರಾನ್ ತಾಹೀರ್, ಋತುರಾಜ್ ಗಾಯಕ್‌ವಾಡ್, ದೀಪಕ್ ಚಹರ್ ಮತ್ತು ರಾಬಿನ್ ಉತ್ತಪ್ಪ ಶುಭ ಹಾರೈಸಿದ್ದಾರೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಟ್ವಿಟರ್‌ನಲ್ಲಿ ಧೋನಿ ಹುಟ್ಟುಹಬ್ಬದ ಕುರಿತು ವಿಶೇಷ ವಿಡಿಯೊ ಒಂದನ್ನು ಶೇರ್ ಮಾಡಿ, ಕ್ರಿಕೆಟಿಗನಿಗೆ ಶುಭಕೋರಿದೆ. ಧೋನಿ ನಾಯಕತ್ವದಲ್ಲಿ ಭಾರತ ತಂಡವು 2007ರ ಚೊಚ್ಚಲ ಟ್ವೆಂಟಿ-20 ಹಾಗೂ 2011ರ ಏಕದಿನ ವಿಶ್ವಕಪ್‌ಗಳಲ್ಲಿ ಜಯ ದಾಖಲಿಸಿತ್ತು.
